مسرحية معاصرة
أتفضل أشرب معانا شاي
والله يا جماعة الواحد مننا مبقا عارف يعمل أيه
في الزمن دة
بقا واحد غلبان زي حالاتي مثلا
كل ما يصادف شخص معرفة
أبص ألاقيه بيقولي أتفضل وفي نفس
الوقت بيبقي رايح مشوار خاص بيه
ويقولي اتفضل اشرب معانا شاي ولا حتي نتغدى سوا
طبعا أنا مش مفجوع علشان افش غلي
في البوست ده وأقول مثلا الراجل أو الست
أصل بصراحة عارف ستات كتير ودول كرم وواجب
بالكلام طبعا المهم هسبكم للمسرحيه دى
أتفضل أشرب معانا شاي
المشهد الأول
صباحا
أنا-أزيك يا (---)
(---)-أنا كويس أزيك أنت يا رامز عامل أيه
أنا- الحمد لله ماشية وانا الان اشتغلت وبقيت متعاقد
(---)- بجد طب الحمد لله ربنا يوفقك دايما
أنا-الله يكرمك رايح فين
(---)- والله رايح مشوار مش هتعوز حاجة
أنا- لا أبدا الله يخليك وربنا يوفقك
(---)- متتفضل معانا شوية أشرب شاي حتي نعملوا معاك واجب
أنا- الله يكرمك يا باشا بس أنا رايح الشغل ----سلام
ظهرا
سرفيس بينادى ابوشاهين -- الزيوت --ابوشاهين
أركب وفجأءة
أنا- مين ام (---)اهلا بيكي يا حاجة اخبارك ايه
والله وحشانا واخبار (---) صحبي ايه
ام(---)الحمد لله وانت ازيك الا انا واخدة
علي خاطري منك مش بتيجي عندنا ليه
أنا - والله يا حاجة انا مشغول جدا وعملت عقد ومش بلاقي وقت
ام(---)والله ربنا يوفقك يارب وعلي كدة مش ناوى تخطب
ولا ايه انا عندى ليك عروسة(غريبه اشمعنا العروسة
مجتش من طرفك الا دلوقتي ولا يعني
اكمني بقيت قيمه وعندى عقد لاياشيخه يفتح الله)
أنا- الله يكرمك يا ام (---)ربنا يسهل
برم برم برم فسسسسسسسسسسسسس
تتوقف السيارة
أنا - انا نازل بقا هتؤمر بحاجه
ام (---)لا الله يكرمك يا ابني انا هنزل اخر الخط
متيجي تشرب معانا شاى
أنا- الله يكرمك مرة تانيه
ام(---)لا والنبي ميصحش
انا- معلش خليها المرة الجاية
ام (---)خلاص أوكية(الولية مش بتعرف تقرأ ولا تكتب عرفت أوكية منين)
وبصراحة معظم المقابلات كدة
انا هسبكم تحكموا انتم ليه احنا شعب مجامل
وبنفس الوقت قليل الاصل وملوش كلمة
ليست هناك تعليقات:
إرسال تعليق