03‏/07‏/2008

يوم جميل جامع وانا حضرت ومش سامع

بجد يوم ولا في الاحلام بس مش للدرجة دى يعني

بصراحه بفضل دعوة اتنين مميزين

وهم الصديق محمد مارو صاحب مدونتي كلام وفش غل

وجيم أوفر الاكتر تغطية لاحداث 6 ابريل

العزيزة بطة بكر صاحبة مدونة لا والف لا وهي

من دمياط التي برزت بقوة علي سطح الاحداث

لموقفها الوطني الشجاع للنضال ضد اجريوم

الكندية العابثة بصحة هذا الوطن

كانت الدعوة موجهه لحضور اجتماع رابطة مدوني مصر

والدلتا وبالفعل كنت مستقلا سرفيسيا مصريا وذو بنزينا وطنيا

مرفوع سعره الله يحرق اللي عمل كدة

وعندما نزلت بموقف طلخا وجدت مشهد خلاب جذاب وحاله

من الرضا الكذاب تعم السواقين لانهم بسيروا مسافه طويله جدا


المهم وصلت لقاعة نقابة اطباء الدقهلية مقر الاجتماع

واول من بادرني بالاستقبال هم محمد مارو حبيبي وجاري

ومحامي سويسي(من السويس) مدحت محمد

ودخلت القاعه واتعرفت بحسام يحي صوت الحرية

عبد الرحمن صيدلي مطحون(بيني وبينكم مكنش باين اوى

مش مشكله نطحنه احنا)انا عارف انه مش هيزعل

وكمان احمد سعيد صالح

بعد شوية اتعرفت بمحمد جمعه وعمرو سلامه

وسلمت علي سهام شودة محررة الاهالي ومحمد ابوالدهب
محرر بالدستور



الجميل ان الزميلة الاخت بطه عرفتني بمدونة اسمها


يوميات مظلومة صاحبتها بنت في منتهي الانسانية


اتعرفت بجمع من مدوني الاخوان منهم المفكر صاحب


مدونه حبيبتي يا مصر



والمهندس يوسف الشافعي رئيس لجنه استطلاع الرايء


بالحزن الوطني علي رأيء عمرو سلامه اللي لسه عايش



(متتخضوش منا كمان مستغرب )



بصراحه كان يوم جميل عايز بوستتات كتيرة مش احد بس



بس انا لسه راجع وتعبان





ملحوظه كرمنا كريم البحيري احد اشهر المدونين



قطعنا تورتة حلوة


لمزيد من التفاصيل



عن التورتة واللي اكلها طبعا



ادخل جوجل واكتب الاتي



1- محمد مارو كلام وفش غل
2- بطه بكر لا وألف لا
3-عمرو سلامة لسه عايش

4- م-يوسف الشافعي تلميحاتي


5- ريمان يوميات مظلومة

6-عمرو عبد الباري بفكر بقلبي

7 -عمار حبيبتي يا مصر


8- رامز عباس- صاحب مدونة رامز عباس


بس هحول افتكر تفاصيل التهام التورتة

ملحوظة

بطه جبتلنا من دمياط الجميلة مشبك هدية اظن مفيش

حد حس بمدى الذوق والجمال والاخوة الجميلة

اللي في هدية بطه اللي كانت مفأجاه

_---------------------


غدا بمركز أفاق اشتراكية بمدينة المحله الكبري

تعقد ندوتين الاولي عن التامنيات الاجتماعيه

عملية اهدار317 مليار من اموال المعاشات

ويحاضر بها الهامي المرغيني من لجنه الدفاع

عن حقوق المعاشات بمركز هشام مبارك الحقوقي

والاخري عن مشاكل الخصخصة والتامين الصحي

يحاضر بها د- محمد حسن خليل خبير التامين الصحي

ومن لجنه الدفاع عن الحق في الصحه


تبدا الفعاليات تمام الخامسه بمقر المركز بشارع الرمل


ويقدم لها أ- حمدى حسين المناضل الاشتراكي ومدير المركز

وأ- اسامه السيد الشافعي مدير الادارة الصحية بالمحلة

وأ- م- محمد عبد العظيم أمين تنظيم حزب التجمع الوحدوى


وانا مدعو للتحدث من ناحية اهدار التامينات لادميتي
كفاقد سمع

لم يتم تعينه ولم يتم معالجته بما تقتضي حالته وذلك بالتامين الصحي




قد اتعرض للاعتقال ا و الاعتداء جراء موقفي هذا
اتمني الايثنيكم شيء عن رسالتكم اتجاه مجتمعاتكم

هناك 10 تعليقات:

بنت الاسلام يقول...

رامز ايه ده

ايه كل الاحاسيس الجميلة ديه

بجد بشكرك جدااااااااااا

وحقيقي اسعدنا كلنا وجودك معانا

نورتنا حقيقي

واتمني تستمر معانا في الرابطة

علطووووووووول


واحنا اللي كسبانين وجود انسان رائع

زيك معانا

روح الندوة وماتخافش وربنا معاك

اتكلم وقول كل اللي انت حاسه وشايفه


وان لا قدر الله حصل لك حاجة

فدا فخر ليك لانك كنت بتقول الحق

وبلا خوف

تحياتي

محمد مارو يقول...

والله يا رامز احنا اللى اتشرفنا بيك

يا ريت كل اللى زيك يكون عنده نفس الحس الوطنى ده
بجد انت انسان جميل اوى

وربنا يكرمك يارب
و نورت مدونى الدلتا يا قمر

الحياه وانا يقول...

بسم الله
فعلا بجد هو بيكون يوم جميل جدا واكثر من رائع
انا اما رحت كنت همووووت من كتر السعادة
والناس الجميله اتلى بتحضر هناك بجد متتصورش مقدار السعادة والامل في بكرا بيكون عامل ازاى
بتحس ان في ناس حواليك بيحبوك جدا وبيخافو عليك
كان نفسي اروح الاجتماع دة بس حصل خير
اول اجتماع طبعا مش هنسااااه
المرة الجايه نشوفكم كلم
تحياااتى
جيلي كاستر
مش هتقدر تغمض عنيك
سلام

ريمان يقول...

السلام عليكم

ازيك يا اخ رامز

بجد اولا انا عايزه اقول لحضرتك

اننا فرحانين بإنضمامك لرابطتنا

ويا رب تشرفنا على طول

وحضرتك بقيت خلاص واحد مننا

..................

ثانيا احب اشكرك على كلامك الجميل عنى

وجزاك الله خيرا

Ahmed Al-Sabbagh يقول...

رائع

والله كان نفسى اجى اوى

وكان نفسى اشوفك

انما انت عملت تغطية رائعة

كان ناقص بس شوية صور

تحياتى وتقديرى

احمد

حسام وريمان فى هاكونا مطاطا (قبل ما نخش ارض العزه )ا يقول...

السلام عليكم

ازيك يا رامز

احنا حسام وريمان

اكيد عارفنا احنا اتعرفنا عليك النهارده

والله احنا سعداء بحضرتك

وان شاء الله نشوفك المرة الجايه

على فكرة انا وريمان مش اخوات فى الدم بس احنا برضه اخوات

دكتور حر يقول...

ربنا يكرمك يا رامز على حركتك الجميله
انت راجل عسل اساسا

والندوة اللي انت عاوز تقولها قولها وما تقلقش خالص
توكل على الله وقول حقك وبس

حسام يحى ...مدونه صوت الحريه يقول...

ماشاء الله مدونه جميله


ايه ياباشا

ضيف اميلى بقا

:d

محمد جمعه يقول...

السلام عليكم
رامز حبيبى الصراحه كنت منور الاجتماع
واحنا اتشرفنا بيك وبصراحه تفكيرك عالى جدا
ربنا يجزيك خير
وجزيت الجنة على كلامك الطيب ده يا راجل يا طيب

اخوك محمد جمعه
رشيد

الشريف / جمال طة يقول...

تحــــــــــــــذير

الى المصريين فى الداخل والخارج ودول الخليج

احذروا نصاب الشقق التمليك المطلوب القبض عليه

المهندس / ايهاب فراج محمد ابراهيم الزينى

http://gamal51.blogspot.com

لأى استفسار أو أى معلومات عن هذا النصاب الاتصال بى على تليفون رقم 0104710778