لسه بيخططوا
كان تلك هي العبارة التي نطق بها الرقيب مسعد لزميله المقدم حسام
وذلك عند وقوفهم بالردهة الخاصة بالمكتب عشرة الخاص بقدري
الشهير بصاحب الانامل الذهبية
وداخل الغرفة كان يقبع قدري مسترخيا علي اريكة من نوع (يتحمل 500 كيلو)
ذلك بعد التهامه شطيرة برجر حارة
وكان يسترخي للغاية حتي انها كاد ينام
عندما سمع رنين التليفون فختتطف السماعه وقال_
ايوة يا ادهم كيف حالك يا صديقي
فرد ادهم كيف حالك يا صديقي البدين كيف شطائرك اللذيذة
فرد قدري هكذا انت دوما يا ادهم تشعر بكل شيء
فقطعه ادهم وقال اريدك بمكتبي
فقال مرحي يا ادهم ثواني فقهقه ادهم وقال تحتاج لساعات لتاتي
ايها البدين
طرقات خافته علي مكتب مدير المخابرات المصريه
تدخل العميد مني توفيق حرم اللؤاء ادهم صبري مدير المخابرات
العامه المصرية
عزيزى القاريء قد تكون هذة البداية لست مفهومة عندك لكن القصة
بدات منذ ساعات عندما
بدا رامز عباس التفكير في انتهاج خط دكتور نبيل فاروق مالك وصاحب
فكرة رجل المستحيل والذى اعلن عزمه عن التوقف عن كتابه المزيد من
الروايات المثيرة والمحببه لقلبي
لما كان اخر الروايات ادهم عميد وبيحب مني وسونيا جراهام بتربي لسه
بالولد ابن ادهم
ولما نويت العزم علي استئناف الكتابه لما لقيت ان اشرف توفيق سبقني بكتابه
نوعيه مثل دى بس ساخرة واعتقد انها الوحيدة
فانا هخدك بالجديد الابتكار
وادهم هيببقي لؤاء ويتجوز مني
دقائق تمر ويجتمع اللؤاء ادهم والعميد مني وقدري والرقيب مسعد والمقدم حسام
العميد مني مالك يا ادهم فيه ايه استدعيتنا ليه علي جه السرعه
ادهم- بصراحه فيه موضوعين
بدايه احب اقول ان الليله دى فرح ابني شاليط وامه سونيا بعتتلي دعوة
لحضور الحفل لكن انا حاسس انها بتدبرلي حاجه خصوصا انها مبتهمدش
مني-
مبروك يا حبيبي - اقصد يا سيادة اللواء عقبال ميجبلك حفيد صغيور
قدري
مبروك يا ادهم
الرقيب مسعد
مبرك يا فندم
المقدم حسام
مبروك يا فندم
ادهم
مبروك ايه وزفت ايه ابني بيتجوز ومش عارف اروح فرحه بتباركلي
علي ايه
العميد مني تحاول لم الموقف
وتقول ايه المضوع التاني يا سيادة اللواء
ادهم
بصراحه جتلي معلومات ان شركة اجريوم الكندية راكبها عفريت
ومصرة تعمل المصنع بتاعها بدمياط ومش هامهها شعب دمياط
قدري وايه اللي نقدر نعمله
متنا عارف ان رئيس الوزارء شخصيا مع الموضوع دة
ادهم
بصراحه انا مش عارف اعمل ايه احنا جتلي برقيه شفرية
من صديقي تيم بارتون اللي شغال مدير المخابرات المركزية
الامريكية
بيقلي يا ادهم سونيا وراء الموضوع فيه مؤامرة علي شعب
دمياط
يصرخ قدري ويقول
يا الف خسارة يا الف خسارة بكدة مش هعرف اكل مشبك
هنا يقتحم الغرفه العميد السري والكاتب رامز عباس
فينهره ادهم صبري ويقوله انت بتستهبل ياله
رامز عباس
انا اسف يا فندم سمعت صرخه قدري فقلت انقذه
ادهم
والله الله العظيم بتتكلم جد واد يا رامز بقيت بتسمع لا بجد
يعتذر رامز لادهم صبري يقوله معلش بقا يا برنس احنا اخوات
فيسامحه ادهم لكنه يطالبه بالانصراف لسرية الاجتماع
فيصر علي معرفة سبب صراخ قدري
فتقول العميد مني ان السبب مؤامرة شركه اجريوم الكنديه علي شعب
دمياط فقدري خايف علي المشبك
فيقول رامز بصوت مسموع متقلقوش يا جماعه
احنا اسسنا رابطه مدوني الدلتا وهنعمل علي حل المشكله وبالاخص العضو
بطه بكر واحتمال تجبلنا مشبك
دى عوايدها
ثم ينصرف العميد رامز ويتجه الي الكيبورد لاستكمال القصه
نعود لا دهم الذى يقول للمقدم حسام لابد من مراقبه رئيس الوزارء
وانت يا مسعد عليك انك تسافر وتتنكر بدالي وتروح حفل شاليط
وتقوله راجل ابن راجل
ادي لسونيا اللفه دى
تغضب مني وتحال الانصراف
يمسكها ادهم بزراعه الفولاذيه ويقولها عليا الطلاق منتي خارجه
فتجلس وتبكي بمرارة فيفتح ادهم اللفه يعرفها انه بعتلها ا يشارب جديد
تلبسه اصلها مزنوقه اليومين دول
وبينما هما كذلك يقول قدري والشركه هنعمل معاها ايه
فيقول ادهم مش عارف نستني بعد الغذاء ونجتمع تاني
فيقول قدري طيب يلا مستنين ايه
فيقول ادهم مستنين الديلفري
__________
كيف يمكن للديلفري ادخال الطعام لمقر المخابرات بقصر العروبة
كيف يستطع مسعد المتنكر في شكل ادهم في الهرب من سونيا
بعد اكتشافها ان الايشارب من عند مصانع الشوربجي من من محلات كايرو
ازاى حسام هيراقب رئيس الوزارء
كل هذا نعرفه لما رامز يبطل هبل وميحولش يمسخر ابداع كاتب كبير
زى نبيل فاروق(معلش يا بلبل)
هناك 3 تعليقات:
ههههههههههههههههههههههههههههههههههه
والله عسل يا رامز
ضحكتني أوي بالذات على الايشارب اللي عاوزاه سونيا ... أنا ممكن أجبلها 6 بس توافق تمشي معايا وتبيع الحج أدهم صبري
ههههههههههههههههههههههههههههههههههه
رامز واضح ان سلسلة رجل المستحيل
مأثرة فيك قوووووي
وخصوصا قدرررري التخييييين
قضية اجريوم بتتكرر كل يوم
بس المشبك مرة واحده في العمر بقي
والحمد لله ان مني وادهم اتجوزوا بقي
حتي لو مش بخيال المؤلف
رامز برده مؤلف ومؤلف
نبيل فاروق اعتزل ياباشا
بس كويس
ادى رامز عباس هيكمل المسيره
انا مش المقدم حسام انا حسام بس
ههههههههههه
ربنا يوفقك ياباشا
إرسال تعليق