توابع الازمة الاجريومية

ادهم صبري لواء مخابرات مصري

يرمز له ن-1 -م

ن يعني نادر من

1 -يعني واحد صفر لصالح النادى الاهلي
بلاش غلبه يا بتوع الزمالك
م- يعني متجوز وعلي ذمته عميد(العميد مني توفيق)
يجيد كل لغات العالم
استخدام كل الاسلحة
وبيقبض مرتبه اول الشهر
وعنده عربيه فيراري(حظه معدش هيركب اتوبيسات النقل العام)
وبيحب مني عزامها اخر مرة عند مطعم التابعي الدمياطي جنب
مترو احمد عرابي

محدش يارطم السندويتش بجنيه نص يا وحوش
__________________________

في الحلقة الماضية
كان ادهم عازمهم علي الغداء
___________________________
ترن ترن ترن
ادهم بيرفع السماعه بيقول الو
يرد من الجهه الاخري
كبير يارون قصر العروبة ويقول

ايه يا حاج ادهم بقا ينفع كدة

ادهم ايه بس اللي حصل فهمني

كبير يارون-ياعم احنا مش قايلنالك لما تحب تتغدى

اطلب رقم 119 طواريء واحنا نخدمك

ادهم فيها ايه اما يجيلي نفس اكل من بره هو عيب لا عيب يعني
كبير يارون خلاص يا معلم احنا اللي نستاهل ضرب الجزمة
بقا نكرمك ونحاول نجيب مقرك بمصر الجديدة بقصر العروبة
نحاول نريح من الشحتفه لحد المقر القديم بالدقي انت بدل متتشكر
وتحافظ علي امن الرئيس تقوم تعمل عملتك دى كمان بتتطلب
اكل من عند الاسطي عبده الكبابجي
ايه معندكش نظر معندكش انسانيه معندكش 10 جنيه سلف
ويستدرك
المهم اقلك ايه بس واعمل معاك ايه يقولوا علينا ايه بس الرؤساء
الاروبيين وبتوع افريقيا السودا لما يعرفوا ان ذوقك بلدى كدة
يا ادهم لازم تعرف

ان عبدة بتاع الكباب ده من مستوى حنفه المدونين
امثال الروائي القاص- حمادة زيدان ولا بتاع صوت الحرية
حسام يحي ولا اللي عمال يفش غله وحقده في الحكومة محمد مارو
ولا الخال احمد عبد العال وغيرهم هي دى الناس اللي تاكل من عربية
الاسطي عبده مش انت يا ادهم

انت يا ابني من يوم مجيت علي سيرتك علي لسان اللي ميتسمي رامز
انت بقيت شعبي اوى
فين ايامك يا بلبل كان معيشك يا واد يا ادهم وكنت متريش وعندك مزرعه
بالمكسيك كيواو

وكانت ليك شنه ورنه
فاكر يا ادهم لما كنت مع مني بامريكا في عمليه تستهدف مدير مكتب
رئيس الاركان العسكرية ياه
فاكر لما عزمتها علي العشاء بمطعم كيبون دبلوو

انما دلوقتي بقيت بيئه يا ادهم ايوة بيئة انا بقولك اهه

ادهم - خلصت كلامك
كبير اليارون ايوة عندى كلام تاني
ادهم ابلع لسانك بقا
اعرف اني طالب الاكل ده علشان قدري
كبير اليارون بجد انا قولت كدة برضه ادهم اصيل وبيفهم بالذق العالي
مدام كدة يبقي لازم اوفق علي عمليه اقتحام ديلفري الاسطي عبده الكبابجي
لجناحك بقص العروبة


____________________
حفله بمنطقة شعبية بولاية الينوى الامريكيه
وسونيا قاعدة مع المعازيم بالشارع وفيه مسرح كبير وعليه فرقة
شعبية (راب وجاز وسبرتو وبنزين 80 اه عهد الله بنزين 80 موجود برضه)
فجاة شاليط يقوم مع عروسته بالرقص علي اغنيه
العنب العنب العنب لسعد الصغير

فجأه يجي الفنان شعبان عبد الرحيم وهلم يا زيطه
وبينما يصافح الجمهور ياتي مسعد التنكر في هئية ادهم
ويصافح سونيا جراهام
يقلها قمر يا سونيا
سونيا تقوله بطل اشتغاله يا ادهم وبعدين خد هنا بقا معرفتش تجبلنا
مطربين غير شعبولا
ادهم امال عايزة مين ياوليه اتكونيش عايزة عمرو دياب ولا تامر حسني
سونيا مش للدرجه دى يا ادهم بس ده ابنك الوحيد ولازم نفرح بيه
ادهم انتي عارفه شعبان مكلفني كام
عارفه اني جايبه بالعافيه بعد مرمي يمين طلاق علي ام عصام
وبعدين خدى دى

سونيا تفتح اللفه
تلاقي الايشارب مكتوب عليه مصانع الشوربجي -صنع في مصر

(غريبه حكايه صنع في مصر دى اصل الحكاية صيني من زمان)

تروح رقعه بالصوت التايواني حاكم سونيا بتجيد لغات برضه

شعبان يمسك الميكرفون ويسكت الجمهور ويقول لادهم بتقولك ايه
الولية دى

ادهم مش عاجبها محلات الشوربجي اصلها من اسرائيل ومتربيه
علي اللبس الاستايل

شعبان يقول عليا الطلاق لو ام عصام كنت عملت كدة كنت طلقتها
ادهم بيقله منت مطلقها

المهم يهرب ادهم في اللخمه
بينما شعبان يغني بكرة اسرائيل
بكرة اسرائيل بكرة اسرائيل
الشاي يا بت يا سونيا طعمه ليه تقيل
متقليش يا شعبان اشرب شربات
انا اصلي واد دغري بضرب بكتات
والبانجو هو صحبي وصحبي يقولي هات

هيه هيه هيه

وينقلب الفرح راسا علي عقب ربنا يستر

ملحوظه شاليط بالانعاش دماغه مفتوحه

سونيا لسه بتدور علي ادهم علشان تشرب من دمه
بشوارع نيوجرسي
_______________________
حسام مش عارف يراقب رئيس الوزارء

لانه طويل كل ميقف يتكلم بالتليفون النص التحتاتي اللي بيبان منه
_______________________________
كيف يمكن لادهم حل المشكله في ظل صعوبه مراقبه اطول رئيس وزارء
كيف يمكن لشعبان الهرب من المعازيم بعد وقعته المهببه
كيف يمكن لقدري التهام سندويتشات الكباب الثلاته بشهية في ظل الازمة
كيف يمكن لمسعد الهرب من امريكا بعد هروبه من الفرح
كيف يمكن ان تقرا ولا تعلق ان علقت متسبش خمسه جنيه حق القصه