11‏/07‏/2008

العورات السلوكية-- والمجتمع التدويني

انا اتكلمت امبارح ووصفت العدد الضخم من المدونين بالشعب
وفعلا هو شعب صغير جدا نقدر نقول انه ممكن تحتويه مدينة
زي المحلة الكبري؟
مندهشين صح !! ومتعجبين كمان لانكم متعودين تشوفوا الحكومة
الهايلة حاشرة الملايين بقرية فما بالك بمدينة صناعية
لكن مش هخوض باساليب اداء حكومتنا النظيفة الرشيدة الحديدة
المباركة الجمالية الشريفة المسروره الغالية المنصورة المثقفة
لكن اللي عاوز اقوله زى مبقي المدونين بتعدادهم اللي ذكرته ببوست
شكاوى المدونين بقم شعب ووسط زى الوسط الرياضي والفني والسياسي
والثقافي
الا انهم مجتمع منفرد لانهم بيجمعوا كل ده بتفرد وتلقائية وفن
ولان كل مجتمع وله ايجابياته وسلبياته ولازم تظهر عيوبه
فانا النهاردة بقول
ان المجتمع التدويني اللي هو الوسط التدويني اللي هو الشعب التدويني
فيه عدد من العيوب المكتسبة والفطرية
التي استصحابها الافراد المشكلون لذلك الكيان الجديد داخل الامة المصرية
والذين يعقد عليهم امالا عظيمة في توجية قطاعات من هذة الامة نحو رفض
الاستبداد والتبعية والظلم داخليا وخارجيا
ولذا كان من الواجب ان يعرف المدونون ان سلوكيات مثل
(اخلاف الوعد - عدم الاخلاص- غياب الامانة- غياب المصارحة- تجاهل الاخرين
الجهل ببعض الازمات وتجاهلها - ترك مد يد العون- عدم الاحترام - عدم المسئولية
الذم في حق الاخرين(ولو كان هناك اسباب فليتم كشفها)
النقاق- المجاملات السخيفة(هناك مجاملات مشجعة ولكن يشعر بها المستمع اليها من صديق نعرفة
اشياء كثيرة لا تحصي)
مربط الفاس هو انني اتمني ان يحاول المدون ان يتخلي عن عيوبه تدريجيا فمن منا ليس له اخطاء وعيوب
من اجل الله ثم مجتمع نقي ناجح وتجربة تدوينية جديدة تساهم وتمد العون للمجتمع اتمني ان نمد العون بتعريف
انفسنا لعيوب بعضنا
فالعورات السلوكية الشائنه هي ما تهدم المجتمعات وتدمر روابط الحميمه بين افرادها
ولان المجتمع التدويني جديد
فلم يفت اوان ان نحذره ونعاتبه ونقدم له نقدا بناءا حتي يكون كما هو تجربة متفردة
ولكن المميز هو دوام الاستمرارية وتحقيق النجاح ومد يد العون للمجتمع الام
ومصر هي امي
يا احلي اسم بالوجود يا مصر يا اسم مخلوق للخلود يا مصر
نعيش لمصر ونموت لمصر مصر مصر تحيا
الي المدونون لكم التقدير من اخا لكم اراد ان يشارككم رأيه وفكره وعصاره فهمه
اليكم بكل حب وود
الي الرافضين لاتفاقية تصدير الغاز
ندعوكم
للانضمام لرابطة مدوني مصر
لنوقع جميعا عريضة رفض مدوني مصر
الشرفاء لوثيقة تصدير الغاز لبني صهيون

هناك 4 تعليقات:

محمد مارو يقول...

ههههههههههه
ايه الحلاوه دى ياض
و ايه الكلام الكبير ده

كمان بتعمل شغل من ورانا و بتدعوا للرابطه ؟
يالهوى هفصلك من بكره

رامز عباس يقول...

ماشي يا باشا
ده العشم برضك
طب فين مكأفاه نهاية الخدمة يا معلم


ماليش دعوة انا دارس حقوق العمالة


والا والا والا




اما اشوف مدحت محمد بتاع السويس

هرفع قضية

معتبرة تلزمك تعشيني تلات ايام بالاسبوع

ميرو انتكة يقول...

اكتر حاجة عجبتنى بجد العنوان
ومدونة بجد لذيذة وحلوة

وربنا يوفقك
بما اننا محلاوية زى بعض هههههههههههههه

ابراهيم يقول...

كل مجتمغ في الدنيا له من النقائص والتكامل مالة ولكن تحكم علي الشعوب او الجماعات او المجموعات بالنجاح او الفشل بمدي الترابط والتفاهم والانضباط والاتفاق الناشي بين اطرافها
وعلي المدونون ان يجتمعو علي اتفاق غام لاصلاح مباشر للمجتمع بتقديم تصور كامل للتغير الذي نتمناة بمساندة الكبار ومباركتهم لة
وانا معك ضد تصدير الغاز لاسرائيل