18‏/07‏/2008

راسب بسنة أولي كلية التدوين جامعة سيبر نت

متبصليش انت وهو وهي بعين مندهشة فعلا انا اكتشفت اني راسب للغاية
فيما يتعلق بمفاهيم ادارة ادوات العالم الافتراضي الحديث واقصد بيه الانترنت
طب قصه الاكتشاف ده ايه بالصلاة علي النبي صلي الله عليه وسلم
حلقة نقاشية
حول الصحافة الالكترونية
تم دعوتي اليها
بمعرفة مركزأفاق اشتراكية
فرع المحلة الكبري
وقد حضرها اربع مدونين منهم محسوبكم
الراسب الكترونيا
رامز باشا عباس
ابو هوتميل وياهووجي ميل
طبعا في خضم اندهاشكم انا هتكلم عدل علشان مناحي الجدية والوقار التدويني
أقروا وبلاش تتنيح
في البداية تحدث مدير المركز المدون- حمدى حسين صاحب مدونة الوعي العمالي
وهي معينة بحقوق العمال والعمالة الداخلية
وذكر ان الصحافه الالكترونية عملت اتساق مع الواقع الحالي
كما انها نفت الشكل الافتراضي
حلو اوى مش كدة تمام
ثم تحدث لما يقرب الساعة د- محمد فؤاد فخر الدين
وهو خبير كمبيوتر وعضو مجلس ادارة مركز افاق
عن الصحافة وكيفية التعامل الجديد بين المدون
ومدونتة وكيف يقوم بتأمين الحماية ليها
خاصه مع البث
(رامز يقصد يا جماعه قانون بس ولا كلمة اللي معاه تصريح
يطلق الريح- اسف ان الريحه بقت وحشة هرش راجون اهه)
انا مش بتريق ولا بستخف بدم حد ولا بقلل احترامكم كقراء
ولكن بجد قانون قليل الاحساس بحرية الرأي والتعبير
نيجي بقا ونقول ان معظم الحاضرين
قعدوا يسألوا ببعض الاشياء وتم الرد انجليزيا
مش انجليزي كركيك
زى مقدري بتاع روايات رجل المستحيل بيتكلم بيها
انا قولت كدة علشان افكركم اني مسنتش الروايات
__________
اتكلم بقا عن اختراق الفيس بوك من قبل اعداء المدونين
وانتم كلكم عارفينهم
واتكلم عن كيفية تأمين المدونات والايميلات
واتكلمنا عن المدونات الجماعية وتأثيرها
مدونات جماعية
زى مدونة هاكونا مطاطا
بتاعه حسام يحي وريمان
وانتهي المحاضر الاول من حديثة الغالب عليه
الانجليزية وانا زى منتم عارفين
انا مش سامع يعني ولا بحصل عربي ولا انجليزى
اللي عاوز يعرف عن قانون البث يدخل عند محمد مارو
مدونه كلام وفش غل
___________
الصحافة الالكترونية
المفهوم والتطوير والاهمية
جاء محاضر شاب وهو باحث وعضو افاق اشتراكيه بالقاهرة
عصام شعبان
وتكلم عن مفهوم الصحافة وسألنا ايه المفهوم
فقام
كريم البحيري صاحب مدونة عمال مصر
واحترس انت في مصر يالهوى
مش عارف بيصوت ليه بس عادى انا مش بسمع
ههههههههههه
وقال ان المفهوم يدور لخدمة قضية معينه
ثم جاء دور المدون
رامز عباس فقال ما قل ودل
مفهوم
الصحافة
هي صحافة بديلة- او كيان بديل مؤثر
ظهرت نتاج الحراك السياسي في مجتمع يعاني
من انهيار في تطوير مسيرة التنمية ومما يعزز وجودها ويعطيها القوة
هو سقف الحرية
التي تكون للمدون برقابته علي نفسه
اما عن مصداقيتها فهي تكون تبعا لمصداقية شخصية المدون
في اوساط فكرية محددة
وهي ايضا تكون مساندة لقضايا معاصرة
مثل
مشاكل العمال المصريين بمدونة عمال مصر (لكريم البحيري)
او
مشكلات المعاقين بكافة فئاتهم وانواع عجزهم بمدونة(رامز عباس اللي هو انا)
دار النقاش بعد ذلك
حول
الرأي في حركة شباب 6 ابريل
ده اللي قولته
ان مجموعه 6 ابريل شدتها فكرة ثورية واهمية القيام باضراب
ومظاهرات محورها قضية محددة وهي ارتفاع الاسعار
مع نتاج تراكمي لمشكلات مثل غرقي الهجرة والبطالة
فكان لازم ان تكون المجموعة اكتر تشبيكا وتنظيما
لتشكل مجموعه ضغط قوية علي المستوى البعيد
وممكن ان تتبني قضايا اخري
رامز عباس
الحلقة النقاشية بمقر افاق اشتراكية التي تم دعوتي اليها منذ ساعات
بتاريخ 18-7 -2008
بنفس الصيغه الكلامية
والتي لاقت قبولا متميزا
ملحوظة هذا ليس موضوع خارجي عن الحملة بل قريب منها
فمن خلال فهم الصحافة التي ابث من خلالها الحملة
استطع بأذن الله تطوير حملتي

هناك تعليقان (2):

ريمان يقول...

رامز

على فكرة مش اتنت لوحدك راسب سنه اولى تدوين
انا برضه كده معاك

اطمئن مش انت لوحدك

وكل مناقشه وانت طيب يا رامز

وكويس اوى ان هاكونا مطاطا بقت مجال للنقاش اليومين دول

بس على فكره يا رامز

بجد بجد اسلوبك جميل وخفيف ومرح

انا من رايى تيجى معايا انا وحسام فى هاكونا مطاطا

وتكتب بوستات تنور بيها مدونتنا

ههههههههههه

دمت مبدعا يا رامز

ادعى ان ربنا يشفى حسن من الفيروسات بقه

الشريف / جمال طة يقول...

تكاتفوا ياشباب وتعاونوا ولا تسمحوا لأحد أن يغتصب حققكم فى الحياة الكريمة وأصرخوا ولا تكفوا عن الصراخ حتى يصل صوتكم البلد ماشية من خراب الى خراب ودمار ولن يتوقف قطار الخراب والدمار الا بكم وبتكاتفكم
ربنا معكم والله يوفقكم