31‏/12‏/2008

تغطية 5 والأخيرة موقف الأخوان الغامض --- وموقف اليسار والناصريين الصريح

انا بس عاوز أقول أني مش متحامل علي حد دانا
ليا أصدقاء من كل الإتجاهات
ورغم أني روحت لغرض تدويني وصحفي
الا أنني يسوءني موقف الأخوان
انا عارف انها مظاهرة مش هتأثر بالسياسة العالمية
والتصعيد ضد غزة
لكن صوت المتضامنين
اكيد هيوصل لابناء الشعب الفلسطيني
ولكن لما نكون واثقين ان الاخوان حسب الشواهد بيحبوا
يصعدوا الموضوع علشان
حماس قريبة ليهم
ووقت الجد تتقلب مظاهرات الغضب
لخطب منبرية ولا بتودى ولا بتجيب
انا مش عاوز حد يفهمني غلط لكن
اللي سيادة النائب عمله غلط الشيخ / محمد بيخطب في جماهير المحلة
رغم صمته وركونه للسلبية أثناء المظاهرة
الاخ ده بقا/النائب محمد العدلي عن الاخوان
ورغم قلة حضورهم وكان متوقع كثافتهم خاصة انهم أنصار حماس
الا انه واخد جانب كدة لوحدة ولما اتكلم عملها خطبة



وبيقول كلمة الاشتراكيون

حمدى حسين مبطلش هتافات ورفض للي الصهاينة بيعملوه في
أهل غزة




المتولي شحاتة بيهتف ويقود في التظاهرة أهه




الشاعر/حسين راشد نائب رئيس حزب مصر الفتاة بيشارك في التظاهرة




مجدى ناصف ---حزب الغد برده شغال وبيغطي الاحداث









وبيهتف ويقود المظاهرة زيه زى كل السياسيين وبيقول كلمة التجمع





أحمد وهدان من قيادات التجمع بيناشد الناس دعم غزة
الي هنا تنتهي جولتنا لهذا اليوم
المطير والذى أمطرت فيه السماء بغزارة وكأنها تعلن معانا الحداد علي الكرامة العربية
المبعثرة
وأتمني في حالة تفكير الأمن بإعتقالي زى ناس جميلة راحت
في كلابشو في القاهرة
مراعاة أنني بقوم من النوم الساعة 10 وربع وبنام متأخر فبلاش حد يصحيني عنوة
وبحب أفطر وأتظبط قبل أي إستجواب بشأن رصد الشارع
ونقله لعالم الأنترنت الجميل
أقعدوووووووووووا بالعافية
فيه تغطيات من 1-----لـ 5 وقبلها بوست لمعتقليين بالقاهرة
مراسلكم
رامز عباس---أصم مصري

هناك 3 تعليقات:

ريمان يقول...

رامز

مش عارفه بس مالكم فى ايه

لا تقولى حماس ولا اخوان ولا ندخل نفسنا فى تفاصيل ملهاش لازم

خلينا فى قضيه غزه

وفى وكسه العرب دى

صاحبك يا رامز يقول...

اخبارك يا رامز
احب اقول لك ان الاخوان اليوم كان معظمهم فى نقابة الصحفيين بالقاهرة لحضور تظاهرة ضخمة ومرتب لها منذ فترة
واعتقل منهم اليوم فقط600 اعتقد انه رقم ضخم يصعب ان يضحي به اي تيار سياسي فضلاً ان يملكه مش معنى انك فى التظاهرة ان يكون الاخوان كلهم فيها
ففى طنطاامس تظاهر15 ألف من الاخوان ومناصريهم وفى المحلة قبل امس 3000 وكل يؤدي واجبه ولا احد يزايد عن الاخوان فى القضية الفلسطينية
اما بالنيبة للاستاذ العادلي فهو عضو مجلس شعب فهل تطلب منه ان يهتف بشكل دائم اعتقد ان هناك اخم من الهتاف وتعلية الصوت
التوقيع :واحد بيحبك : عارفني يا رامز

غير معرف يقول...

الموضوع يارامز من الاخر زي ما انت قلت كده بالظبط ان الكل بيتاجر بقضيه الاقصي والكل له مصالح خلاف مصلحة اهل غزة وفلسطين بالكامل الكل يتاجر وفي الاخر كل واحد عايز ياخد بنط علي حساب التاني والمتضرر الاساسي في الموضوع هو الفلسطينين اللي بينضربوا من كام يوم من غير رحمة ولا اتهزت شعرة للمسلمين
محمد عبد الوهاب