06‏/02‏/2009

عيـــــــــــــــــــد ميـــــــــــــــــــلاد سعــيد يا رامز--- أهداء من رامز لرامز

الحلوة الناس دى أحتفلت بي علي طريقتها الخاصة ومواقعها
مش بقول مش أنا اللي هتكلم عن نفسي
أستاذى وصديقي أ/ حمدى حسين النقابي والمناضل اليساري المعروف
هنا
صديقي الحبيب وزميلي الرائع
د- محمد صالح مرعي
هنا

بكرة عيد ميلادى أربعه وعشرين سنة في الدنيا دى ما بين أحلام وأمال
أفراح وأحزان أوقات بتعدى تندهلي تقولي أنت رجل الموقف
وأوقات تانية تقولي أفسح المجال لأقرانك ولمن هم أفضل منك
(نظرياً هناك أفضل مني فلنقدرهم ولنعطيهم حقوقهم)
أربعة وعشرين سنه في ولاية حكم المستبد الذى طهق الشعب
( دا مش المفروض يهدىء شوية ده عيد ميلادى يا عالم)
أربعه وعشرين سنه عرفت فيهم ناس كتير
وناس دخلت قلبي وناس خرجت معاش مبكر
أربعه وعشرين سنة حبيت فيهم عشر بنات
( بنات أفكاري محدش يروح بفكره لبعيد)
أربعة وعشرين سنة حققت نجاحات كتير أوى وتعرضت لأخفاقات أكثر
أربعه وعشرين سنة( إنضربت فيهم كوسوفو والشيشان وأفغاستان
وفلسطين مضروبة علي طول وتم إحتلال العراق قال إيه علشان
صدام مستبد طب والمعلم بتاعنا يتصنف إيه ده مجبليش تورته مرة واحدة في حياته)
مش عارف أنا مرتبك ومش عارف أقول أيه ولا إيه فيه كتير وفيه قليل
ومش أنا اللي هتكلم عن نفسي فيه أصدقاء وأحباء وهم أدري بي من خلال
تواصلنا
والعيش والملح والكيبورد

كلمتين شعر
مني لنفســـــــــــي( بنرفع مستوى الأنتماء)
يا رامز يا أبن مصر اللي قالوا ولادة
وترابها غالي وفيها مساجد للعبادة
وكمان كنائس لجاري متي وجارتي غادة
بتمنالك في يوم ميلادك كل السعادة
يارامز يا أبن مصر يا راضع من النيل
وتعلمت وسط الناس أزاى تبقي أصيل
وتعيش علي خير الأرض
وتبوس التربة العطشانة لحب الناس
الناس الجدعة التي تغير علشان مصر
بتمنالك في يوم ميلادك تفخر بمصر
وأهل مصر اللي شعارهم هو النصر

هناك 14 تعليقًا:

محمد مارو يقول...

كل سنه و انت طيييييييييييييييييييييييييب راااااااااااااااااااااااااامز

هااااااااااااااااااااااابى نيييييييييييييييييييو يييييييييييييييييييييير

رامز عباس يقول...

وأنت طيب يا مارو باشا

الواحد يدخل عندك يلاقي قطر ومشاكل


لما تجيب التورتة هاتها في سرفيس انا عاوزها مش متبهدلة

المبرمج المحترف يقول...

الف مبرووووك يا رموووووووووز


كلنا لها يا عم الحج

مش عارف اجيبلك هدية ايه بس نصيحة

انسى حاجتيين

1- انسى كل الماضى ومش تفكر فيه
2- انسى الهدية ومش تفكر فيها بردو

سلام

فؤاد فخرالدين - مركز افاق اشتراكية يقول...

كل سنة و انت طيب يا رامز و عقبال مليون سنة يا جميل
فؤاد فخرالدين - مركز افاق اشتراكية بالمحلة الكبرى

ريمان يقول...

هههههههههههههههههه


ههههههههههههههههه


كل سنه وانت طيب يا ابن مصرررررررر

خد هنا اعتررررررف

حبيت عشر بنات مره واحده

اطلع من دول يا نمس

اه يا خلبووووووص

هههههههههههههههههههههه

ربنا يرزقك بالزوجه الصالحه يا رب

معلش الياهو عندى مش راضى يفتح والله يا رامز كان نفسى اكلمك

سلملى على اللى عندك كلهم

الصديق يقول...

من السهل ان تفقد صديق ولكن من الصعب ان تجدة

ناجى رشاد يقول...

كل سنة وانت طيب وعقبال 100 سنة ( انا شايف 100 سنة كفاية ) احنا عمرنا مش هيعدى ال 50 من كتر الهم وكمان كتمت مبارك على نفسنا اصله ناوى يطلع روحنا بدرى بدرى .

نور الاسلام يقول...

السلام عليكم

كل سنه وانت طيب وعقبال100000000000000000000000000000000000000000000000000000000000000000000000000000000000000000000000000000000000000سنه
والله بجد انا بحترم شخصية حضرتك جدا لان حضرتك بجد شخصية تستحق الاحترام فعلا
ربنا يوفقك دايما يارب
وكل عام وانت الي الله اقرب وعلي طاعته ادوم
وانا مالي انا عاوزة تورته
انا كدا هزعل
هههههههههههههه
لاطبعا كفايه عليا زيارة مدونة ممتازه زي مدونة حضرتك
دمت بخير وتوفيق من الله

في رعاية الله
السلام عليكم

بنوته مرحه يقول...

السلام عليكم

رجعت تاني

كل سنه وحضرتك طيب وكل سنه وحضرتك بن مصر وبن النيل
والله انت المفروض مصر تفتخر ان في من ابنائها انسان صاحب شخصية محترمه وكويسه وممتازه جدا ما شاء الله انا مش بحسد والله
محدش يفهمني غلط
انا هدفي كويس
عموما انا لو فضلت اتكلم للسنه الجايه مش هقدر اقول كلام يوضح قيمتك فعلا

كل اللي هقوله
ربنا يوفقك يارب
وعقبال 1000000000000000000000000000000000000000000000000000000000000000000000000سنه
ربنا يحقق لك كل اهدافك يارب
دمت بكل الود وكل السعاده ودمت بن مصر

السلام عليكم

النجمه الهادئه يقول...

السلام عليكم
كل سنه وحضرتك طيب
وعقبال 1000000000سنه
وبجد مدونة حضرتك جميله جدااا
واتمنى التوفيق الدائم
السلام عليكم

نور الاسلام يقول...

اه اسفه والله لان انا حطيت اصفار كتير فالواحد تاه في وسطهم عموما
عقبال 100000000000سنه وكمان 10000000000سنه وكمان 10000000000سنه

بالنيابه عن نور الاسلام وبنوته مرحه اللي هما انا

في رعاية الله

غير معرف يقول...

http://cid-dd04b85893b57013.profile.live.com/?sa=733718716



http://cid-dd04b85893b57013.profile.live.com/?sa=733718716

غير معرف يقول...

http://cid-dd04b85893b57013.profile.live.com/?sa=733718716



http://cid-dd04b85893b57013.profile.live.com/?sa=733718716

Bent el-Qassam يقول...

بسم الله
السلام عليك ورحمه الله
اخي العزيز - الشهم - الجدع
كل سنه وانت طيب وبالف خير والعمر كله ليك وفي طاعه الله


حياك الرحمن