قضيتك وقضية المعاقين واحدة هي الحق في العمل

كتب/ رامز عباس

كنت أود أن أكتب بعض ما يعتمل في صدري لصديقي كريم البحيري
لأشد من عضده فيما تعرض له من تعسف
من جانب إدارة الشركة ولن أخوض بتفاصيل ذكرها بدقائقها كريم
عبر مدونتة الشهيرة عمال مصر
وكما كنت أود وضع صورة لأحتفال رابطة مدوني الدلتا به عقب الأفراج عنه
ولكنني لا أود وضع أفراد الرابطة
في موقف يمكن تسمية بتسول التضامن لذلك إلي صديقي رسالة وأبيات
أتمني أن ترفع معنويات ذلك النمر الإشتراكي
رسالتي لك
فصلوك فصلوك ... ودى عادتها حكومتنا الظالمة ويا العمال الغلبانة...
فصلوك وباعوك ... علشان كل جريمتك وقفة راجل مع ناس شقيانة...
من الصبح بتروح الوردية المليانة.. بعمال نص هدومهم متسخة وعرقانة..
علشان أخر اليوم يدوا الأجر بتاعهم لأسرهم ..
علشان التعليم أوعلشان الصحة مش فارقة مش فارقة
طول ما الناس فرحانة ..
فصلوك يا أبن الناس... بايعينك يا كريم...
الجبالي وفؤاد قراراتهم تحطيم ... تدميرهم في الشركة خلي الناس كحيانة...
أبياتي لك
يا كريم يا بحيري يا أبو كاميرا يا موهوب
في صوت الأمة بتكتب عالحال المقلوب
والغالب في بلدنا خلي الحال منكوب
والمغلوب في بلدنا بقي يصبح مركوب
يا كريم يا صديقي يا قيادي العمال
دافع عن حقك بعزيمتك ضد حكومة رأس المال
بكرة هترجع كدة ملو هدومك
وهتتجوز وتزفك جماهير العمال في الحال