09‏/07‏/2009

كلمتين بدون خوف-لمؤلفها رامز عباس

صورة حبيبي ويا حبايبه


حسني مبارك يقول ميقولش/ لازم يرحل وبدون قرش/


قولها يا شعب ومتطولش/ امشي يا حسني وسيب العرش/


متقوليش توريث وسلام/ كله أونطة كلام في كلام/


بطل بقا شغل الأوهام/ شعبك تايه في الأحلام /


عمره مفكر يوم قدام/ جوع وبطالة ونوم علي البرش/


حسني مبارك يقول ميقولش/ لازم يرحل وبدون قرش/


شفنا الجوع والفقر بعهدك/ بندعي القادر ربنا يخدك/


او تتهنيء بنوبة هرش/او لو حابب نرميك للقرش/


حسني مبارك يقول ميقولش/ لازم يرحل وبدون قرش/


قولها يا مصري قول متخفش/ حسني مبارك ما يشرفش/


كان في الاول جنرال طيار/ عارفه شغله والاسرار/


مسك الحكم وجلب العار/ ومعيشنا كدة في سعار/


وحكومتة رافعة الاسعار/ والفواتير مولعه نار/


بركة بطرس وزيره أبو كرش/ امته يا مصري تقول متخفش/


كلمه بقلبك ولا تقلقش/قولها وعيش او متعش/


بس الصوت يوصل ميموتش/ يلا يا مصري قول متخفش




يا رئيس بلدى يا واخدها فتوة/ عمر محد عاش بالقوة/


بس عشان الشعب ده جاهل/ او اتعود كدة بتساهل/


قلت في بالك بقا يستاهل / ومحدش يفتح ف دى مسائل/


حسني ياريس من المنوفية/ عجبك اللي عملة مصلحي فيا/


خلي قانون الخمسة في المية/ ميشغلش الا الحرامية/


واحنا بقينا عبيد ف الواسية/ عيب يا رئيس فين الوطنية/


فين العدل وفين الحق/ الناس عايشة يوماتها ف أذية/


والظباط طالعين فيها هتلر/ أشي تعذيب وهتك العرض لإي ولية/


حسني مبارك يقول ميقولش/لازم يرحل وبدن قرش/




كلمات المحزون عالوضع والمخنقوق جداً /رامز عباس


رداً علي خبر كتبه صديقي وعلقك الله يخدك يا شيخ يقصد مبارك طبعاً

هناك تعليقان (2):

ابراهيم يقول...

ازيك يابو الرموز
اخبارك اية

اية الحلاوة دي
بس اية الصورة الاحلي اللي بتثبت بيها عقد الخيانة العظمي للأخوان لتمويل الدستور
اعتقد انك ومورو كمن يبحثون عن الاسماك في قلب الصحراء
رجاء اريد دليل الخيانة الاصلي وليس العاب صبيانية يريدون بها التملق فوق الظهور ونهش جسد البري امام عدسات الكاميرا
لا تغازلو العاهرات وتدعو الشرف
سلام ياصديقي
اتمني لك المزيد التوفيق علي الطريق

حوراء المقـدسية Jerus Nymph يقول...

رائع اخي رامز للامام ان شاء الله