يا بخته عرف يجري غيره كان زمانه بلاظوغلي في مدينه نصر بتهمه التلميح لجريمة التوريث القادمة بقوة
هذا حال من يحكم بلاد تقطنها الشعوب
سوف أسمي أبنتي أزمة
سوف أسمي أبنتي كوسة
سوف أسمي أبنتي محسوبية
سوف أسمي أبنتي سبوبة
فمهما خنت مبادئي فسوف أوفر ثمن أنبوبة
شح وجودها وأرتفع سعرها للعلالالي
سو ف أسمي أبنتي واسطة
فبهذا الوضع لن تقترب أوراقي من إدراج البوستة
سوف أسمي أبني ظلــــم
سوف أسمي أبني فساد
سوف أتزوج إمراة تسمي بيروقراطية
سوف أسمي أبنتي ديكتايورية
سوف أسمي أبنتي كوارث
سوف أسمي وسوف أسمي
مادام الشعب يتجرع كل ذلك ولكنه لايقاوم
وتتوالي الشرور مبعثها حكام بيوتهم القبور ونحن كشعوب تعبد الصبور ننتظر الفرج
أتياً مع فجر جديد لننعم بالسرور والحبور ولكن قبل كل ذلك علينا
أن نعلم أن الثورة أتيه أيضا لتنتشلنا من غيبوبه السلبية وغياهب الجبن والخوف والامبالاة ..
لنعلم بداخلنا وهذا من الأمور المهمة أننا يجب الا نيأس فنحن الشعب أصحاب الأرض
يظللنا دستور عظيم في تشريعه هناك الأسلام الأعظم والمباديء الا شتراكية العظمي
لنعلم أننا يجب أن نقوم ونتحرك ونتفاعل ونتواصل من أجل شيء
وليس اللاشيء فما هو الشيء؟؟؟؟ أنه حريتنا والحرية قبل الخبز
والحق الذى هو لنا دائما قبل أي شيء
المقر بما فيه وكله أمل بداخله
المدون/ رامز عباس بني أدم تحت التمرين
هناك 5 تعليقات:
والله حالة ياس يارامز
انت حسستني اننا شعب ذليل
ذليل قووووووووي
بس احنا مش كده
وان كان ده الظاهر ليك
فالحقيقة مش كده
يمكن تعبانين
يمكن طهقانين
يمكن ويمكن
لكن لا مش مذلولين
هيتغير الواقع
وهتبقي الاسماء دي اسماء قديمة بغيضة محدش هيستعملها ولا يسمي بيها ولاده ولا بناته
خلي عندك امل
وبكرة احلي
اكيد
تحياتي
اية يا بو الرماميز
الشعب زي الفل
انت عارف طبعا ان كل حركة تغيير يلزمها قاطرة تشد ورائها باقي العربات
القاطرة معتقلة في اقل التقديرات متين وسبعين الف معتقل سياسي في مصر
فهمت؟
البنات دي كلها هتعنس وهتترمي في الزبالة
ولن تعمر الا بنتي
ولن تبقى ال ابنتي
ولن يبقا على وجة هذة الارض
الا ابنتي
مصر
بعافية شوية ومالة معاها ووراها لحد ما تخف وترجع تاني تنور الدنيا
يالهوووووووووى
كوسه وظلم وواسطه وفساد
ايه كل الاسماء دى يا رامز
والله يا رامز للاسف ده بقى الواقع
وشكله كده مش هيتغير خلاص النظام فى البلد بقى ماشى بكده وشم هيتغير عن كده
ربنا يغير الحال لاحسن حال
يا رب
بوست مؤلم يا رامز
حقيقي ومؤلم
ولكن مصر مش ها تموت
ولا ها تبقى عدم
مصر ياما شافت زي اسامي عيالك صبيان وبنات
ومشيوا هم وفضلت مصر
بس فين "الولية" اللي ها تسمح لك تعمل في عيالها العملة دي وبدل نسمة وبسمة وفرحة ها تسمي وكسة ونكسة وكوسة ؟
انا في انتظار اخبار العملية
يارب ربنا يفرح قلوبنا كلنا بأي اخبار مفرحة عن سرعة عمل العملية
تحياتي
رمووووووز
عامل ايه؟
انا مش عارفة اقرا
الخط صغير جدااااااااااا
معلش العتبه في الأزهر
قصدي العتب عالنظر
إرسال تعليق