وسائل الأنباء العالمية--- مدونة رامز عباس
في تتطور مثير للغاية قدم الي مصر وفد اللجنة اليهودية الأمريكية
للقاء الرئيس (مبارك)وربنا يسهل ونعرف التفاصيل من عمو أسامة سرايا
اصل بصراحة الموضوع غامض حبتين ومحدش من الصحف الموتورة بتاع
المعارضة هيعرف ليه مبارك قابل وفد يهودى في وقت يذبح فيه الفلسطنيون
ذبح الشياة
وعلي صعيد أخر يقابل أبو الغيط اللي مش بيبطل تنطيط وفد الأكثرية اللبنانية
وطبعا السبب محاولة التوصل لاتفاق يقضي بانتخاب رئيس للبنان
اما عن أكثر الأخبار سخافة
هو مؤتمر حزب رفعت السعيد 422 مقابل 169 لابو العز الحريرى
وطبعا حاجة غريبه ان الحزب الشيوعي بتاع رفعت يعمل مؤتمر عام
ويتزاع كمان في اخبار مصر هههههه بجد حاجه تضحك
وبعدين دول معندهمش الا مقر بالايجار ادام مكتب ايمن نور عند محلات جروبي
اما المستغرب بجد ان دول شيوعية وتعمل تحت ستار الاشتراكية
زى فنزويلا تعمل مشكله مع كولومبيا وتوصل لدرجة تعبئه مسلحة
وقيام رئيس كولومبيا باتهام فنزويلا بتمويل معارك ابادة جماعية وذلك
امام المحكمة الدولية (لاهاى) وكل دة ومفيش رد فعل لاعوانهم بمصر
ولا شيوعي مصر شغالين دماغ تانيه
خبر غامض واخير
ليه نائب رئيس ايران الشيعية بيزور سوريا ويقابل الاسد الصغير
وايش جاب البعث وافكاره مع افكار دولة الثورة وكشف العورة
بالتاكيد الايام الجايه هتكشفلنا خبايا المسائل
وانا ببوست اخر هحاول اشرح
وتحياتي لمتابعي
وكالة
رامز عباس للاخبار الحية والميتة كمان
الاشتراك في:
تعليقات الرسالة (Atom)
ليست هناك تعليقات:
إرسال تعليق