06‏/09‏/2008

رامز عباس يدعوكم لرؤية هزيمتنا للاعاقة وتحدينا للمجتمع بالابتكار

رامز عباس شاب مصري علي ارض مصرية محكومة بالحرامية بس مش دى قضيتنا
يا حلوين قضيتنا
هي جمال الروح والابداع والجهد والعرق لحد متحقق طموحك والناس
تشاورلك اقصد تقديرا لجهودك طبعا
في مركز الشلالات الثقافي بالاسكندرية يوم الجمعة القادم يعني يوم 12-9-2008
تعرض اجمل العروض الفنية الجميلة ولكن ستعرض بطريقة تبهر العقول اداء حركي للصم والبكم تحت 18 سنه
عروض فنية علي ايقاع موسيقي ابهار بقدرة ربنا بانجاح الاولاد دول علي الاندماج في المجتمع ثم جهود
رائد المسرح الراقص الحديث وبيهتوفن العصر الحالي المؤسس
لاول تجربة عالمية علي ارض محليه (المحله بتاعتنا)
ولذلك قررت بناء علي معرفتي الوطيدة بهذا الانسان الخلوق
ان ابث اليكم بشري الحفلات الجميله بكل من الاسكندرية والقاهرة
والدعوة مفتوحة لمشاهدة العرض (اه بقولكم ايه فوقوا مفيش اكل افطروا ببيوتكم
في ساحة المسرح المحكي بالقلعة بالقاهرة وفي منطقة مميزة تشعرك انك بتفطر مع المماليك والاتراك



وبقايا رجال الحزب الوطني

اصل والله الواحد بدأ يحس انه حزب عريق بجد زاد الله في صحه رجاله ومتعنا بهم واكرمنا علينا بوجودهم حتي نتنعم ببلاويهم

في القلعة ذلك الاثر التاريخي العظيم وفي يوم الجمعة القادم ان شاء الله وفي ليل روحاني في شهر مبارك

تنتفض فرقة الصامتين المحلاوية أوى أوى لتقديم اجمل عروضها وهما عرضي(نيران صديقة _أجنحة صغيرة) في القلعة تحلو البهجة وتنتظركم فرقة الصامتين لتريكم ان الاعاقة ليس حجر عثرة في طريق الابداع
فشعارهم بالفن والابداع نتحدث الي العالم

ده بيهتوفن العصر الحديث ربنا يحفظه يارب /الاستاذ رضا عبد العزيز مع احد افراد فرقتة من سنوات
مضت واستهلك العرق والجهد والمال حتي نجحت الفرقة وبقالها شنه ورنة



ده بوستر احد العروض التي سوف تستمتعون بها ان حضرتم
المهم لو حضرتم فده لا بد انه يكون اعتراف بالابداع مش شفقه لانه زمن الشفقه انتهي





حبايبي واصدقائي وزملائي قادة المستقبل محركوا العزائم
فريق الصامتين
اسماء من اتوقع وجودهم من الفريق علي المسرح بمركز الشلالات يوم الجمعه
1- محمد جمال
2- السيد مجدى
3- بسمه فاروق
4- محمد الجيار
5-علي قنديل
6-هشـــــــــام


ويبقي ان اكتب المواعيد والتواريخ
يوم الجمعه ان شاء الله بمركز الشلالات الثقافي بالاسكندرية 12-9-2008
يوم الاحد باذن الله بالمسرح المحكي بالقلعة 14-9-2008 بالقاهرة
يقدمون عروض
اجنحة صغيرة
ونيران صديقة

كان معاكم رامز عباس للدعاية والاعلان
وان شاء الله اكون معاكم مراسل صحفي

هناك 7 تعليقات:

بنت القسام يقول...

ربنا معاكم
تحياتى

حسن حنفى يقول...

للاسف مش هعرف اجي علشان الدروس


ربنا معاكم يارب

Ahmed Al-Sabbagh يقول...

رااااائع

تصور كنت بفكر اتصل بيك اعرف ايه اخر الاخبار والنشاطات الفنية والابداعية الهايلة ليكم

كل سنة وانت طيب يا احلى رامز

ورمضان كريم

احمد

بنت الاسلام يقول...

جميل قوي يارامز فعلا مجهود اقوي من القادرين علي الكلام شفقة ايه ياراجل دانتم اللي اكيد بتشفقوا علينا واحنا قاعدين كده بلا هدف ولا قيمة ولا معني

ربنا معاكم يبارك خطواتكم ومن نجاح لنجاح ان شاء الله

لو بايدي كنت اول واحدة حضرت بس انت عارف الظروف

مبروك مقدما

تحياتي

غير معرف يقول...

حلاوتك يارموزيابتاع الابداع
بس ياريت ابداع بدون مخالفات شرعيةلان الله لا يصلح عمل المفسدين
اخوك حلاوة

ريمان يقول...

رامز

والله بجد فرحت اوى

كان نفسى اكون معاكم بجد

سيبك من الاخ حلاوه ده اللى معلق بغير معروف

ههههههه

مش عارفه مالها الناس دى

غير معرف يقول...

اشكرك يا اخى رامز على حلو كلامك وروعه احساسك وبشكر كل من يساند هؤلاء الاطفال المبدعين ولو بكلمه تشجيع ومتنساش ان مبدأى الايد فى الايد نبنى ولادنا من جديد اشكر الجميع واشوفكوا فى الاسكندريه والقاهره ورمضان كريم عليكوا وعلينا