يا أبن بلد نــــــــــا يا مجـــــــــدع
ياللي الشعر معاك ألـــــــــــــوان
عايش بخيال الوطنية وحالف ترجع
تنصر بكلامك الشعب الحيران
المسكين الساكت والمهضوم
واللي عايش في ألام وهموم
وهيفضل علي كدة مهموم
طول مهو بالع خوف مسجون
جواه ولازم يخرج لجل يفوق
____________
بحبك أوى يا عمــــــــــو نجم ربنا ينصرنا وينصرك
كلماتي دى عشانك
زى مقصدتك دى علشان أنا مصري
عشان انت مصرى لازم تعانيوتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
ـــــــــــــــــــــــــــــــــــــــــ
الشريف/جمال طه (جدوووو)
نسايناه ولا أيه
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ــــــــــــــــــــــــــــــــــــ
ست/من منطقة الدويقة المنكوبه اتنشرت صورتها بالبديل
وانا بعتبرها رمز لكل أهالي الدويقة
نسيتم الدويقة يا مدونين ولا أيه
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
ـــــــــــــــــــــــــــــــــ
حمادة / معاق حركى (محلاوى) اتضرب تحت بصر الأمن مخدش حقه
ولا خد حقه من الحكومة اللي سلبت حقوقه في التعيين والحياة الكريمة
نستوه ولا أيـــــــــــــــــــه عارف ان معظمكم مش بيهتم بقضايا المعاقين
لكن هناك أمل في إستيقاظ ضمائركم
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
ــــــــــــــــــــــــــــــــــــ
أستاذنا / خالد الصاوى (مريض السرطان اللي خضنا وراءه معركتنا ضد يوسف والي
ومازال)
نسيناه ولا أيه محدش سأل ولا تابع القضيه ليـــــــــــــــــــــــــه
هي مش كانت قضيتنا كلنا برضه
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
ــــــــــــــــــــــــــــــ
حمادة عبد اللطيف / ضحية الامن لما اعتدوا علي أولياء أمور في مدرسة الجزيرة
البعض قال مدرسه تابعه للأخوان يهتموا هما بيها
نسيتوه ولا أيه مش بني أدم برضه
أفرضوا أنه مش أخوانجي مش كدة برضه تبقوا أثرتم معاه ولو اخوانجي
هو مش بني أدم منرضلوش الظلم والجبروت اللي حصله
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
ــــــــــــــــــــــ
العميد ميت / محمد عادل فهمي
مدون وطالب وشاب/ حاول يكون مدون عالطريقته الحكومة والامن
منعونا من وجوده
نستوه ولا ايه
محبوس معتقل ضاعت حريته
ولا هي كانت هوجه تضـــــــــــــــــامن شفوى
ــــــــــــــــــــــــــــــــــــــــــــــــــــــــــــــ
كل دول وغيرهم أحتجونا فضلنا شويه معاهم بالتضــــــــــــــــــــــــــامن الشفوى اللي أحنا بنجيده
لكن أمته نحسسهم بينا
هناك 3 تعليقات:
ياااااااااه
بجد يا رامز تسلم ايدك على التذكره الحلوه دى
وبشكر معاك عمو نجم
الكلمات بجد رائعه جدا
مع تحياتى
ريمان
بوست جميل
اكيد لازم نفتكر لازم نفتح عنينا ومننساش علشان دة حقنا لازم نمد ادينا ونخدة من اللي سرقينة منننا
انا نحبكم في الله
إرسال تعليق