21‏/02‏/2009

إلي المتصارعون من أجل السلطة من لمشاكل أبناء الوطن؟؟؟؟

نجل أحد أبناء الطبقة العاملة ----تتهاون الدولة في حمايته وحماية حقوقه
هذة شكوى جاءتني من الزميل/محمد سعد الدين
والمدونة تعلن تضامنها الكامل مع ما جاء بها
وتعلن أنها لن تترك هذة القضية الهامة ومصير ذلك
الشاب الذى يرفضه الجميع لأنه معاق
تتشدقون بإن الحال فل الفل وليس هناك معاملة سيئة للمعاقين
سنري ذلك يأيها ..........

السلام عليكم
انا اسف اوى انى بشغل حاضرتك معايه بس اكيد حاضرتك حتحس بيه
انى شاب لا يعمل دورت على شغل الخاص بيرفضونى لانى معاق فى ئلى بيعتزر بالادب
وفى اللي كان جرئ وقالى اشغلك واجيب حد يشتغل بدالك
المهم حاضرتك عارف انى الشركات الكبيره عاوزه وسطه او تدفع فلوس
وانا معنديش الاثنين فكرت اشتغل فى الشركه ئلى كان ابى شغال فيها من ضمن ابناء العاملين
ونسبه المعاقين لكن بقالى 4 سنين شايف الظلم بعنيه
ومش عارف اتكلم طبعا اكيد فهمنى بيطلوبواً ناس نفس موصفاتى وبيخدهم
وانا لاء رغم انى من ابناء العاملين وهم لاء
ومع حاضرتك نسخه من طلباتى حولت اقدمها لمعظم المسئولين
زاى رئيس الجمهوريه محمد حسنى مبارك
و السيدة سوزان مبارك والحزب الوطنى الديمقراطى
و وزير التضامن الاجتماعى ووزير الشباب ووزيرة القوه العامله
وأعضاء مجلس الشعب عادل شعلان ومحمد مصيلحى وعلى سيف
ومحافظ الاسكندريه والاعلام محمود سعد وعمرو اديب و مصطفى بكرى
تفتكر مين تانى ابعتله وتفتكر فى فيده من ئلى بعمله
انا تعبت وعاوز حد ينصحنى؟؟
النهارده رحت اسال قالولى كانت فى وظيفه ينفع تشتغل فيها
بس ماخدناش بالنا انك ثانوى عام علمى رياضه
بقالى اربع سنين على الحال ده بشوف ناس بتدخل وانا لاء
رغم انى احق منهم لانى مفيش حد بظروفى وصبر كل المده ديه
بسم الله الرحمن الرحيم
قال رسول الله صلى الله علية وسلم
(إن لله عباداً خلقهم الله لحوائج الناس يفجع الناس
إليهم فى حوائجهم أولئك هم الأمنون يوم القيامة)
صدق رسول الله صلى الله علية وسلم ،،
كما قال عليه السلام
(من قضى حاجه لأخيه فكأنما خدم الله عمره
ومن أقر عين مؤمن أقر الله عينه يوم القيامة)
صدق الرسول الكريم
بسم الله الرحمن الرحيم
نداء استغاثـــة
السادة الأفاضل مسئولين مصر الكرام من شاب معاق إلى كل أنسان يحب أن يساعد
تحية طيبه وبعد،،،
أرجو وأتمنى وأطالب سيادتكم مساعدتى فى الحصول على حقى
فأنا لم أجد من يساعد المعاقين!!!
ويساعدهم ويخفف عنهم أعبائهم وإيجاد فرص عمل لهم
مقدمه لسيادتكم محمد السيد سعد الدين محمد نصير
مواطن بسيط وفى حاجة شديدة جداً جداً
لذا الجأ إلى الله سبحانه وتعالى ثم إلى سيادتكم من بعد
لأننى على علم بأنك لن تبخل بمساعدتك على شاب معاق
ولن تخذل من يستعين بك أو يقصدك
ولدى كان يعمل فى شركه ابوقير الاسمده
وانا من ضمن ابناء العاملين ومعى جواب ترشيح عمل من ضمن 5%
لكن ما يقرب عن 4 سنين لم يحدث شىء
قد بدائه تقديم طلباتى فى 15\9\2005 قدمت 28 طلب منهم 6 طلبات
قد تكرم السيد الكيميائى والعضو المنتدب /محمد عبد الله رئيس شركه ابو قير للاسمده
بالتوقيع عليهم بالموفقه من ضمن ابناء العاملين والمعاقين
وتزكيه من نائب رئيس الشركه رغم انها ما يقارب عن 2000 شاب
قد تم تعينهم فى خلال هذه المده وقد طلبوا من هم يحملون شهادتى
ولكن لم يطلبونى رغم انى يوجد وظيفه مواصفتها تطابقنى وموفى كل الشروط
بالاضافه انى من ابناء العاملين ومعاق اريد حقى من الدوله
وحق ابى الذى اعطى عمره كل فى عمله بزمه واخلاص
جربت ادور على شغل فى شركات كثيره لكن الشركات الكبيره
تفضل ابناء العاملين لهم الاولويه والشركات الخاصه ترفض تعينى لانى معاق
ارجوا الاهتمام من سيادتكم
مع العلم انا بقالى 4 سنين من غير شغل ووعمرى 24 سنه
ارجو من سيادتكم الاهتمام بشكوتىولك الجزاء الاكبر عند الله
أرجو من سيادتكم متابعة موضوعى
هذا فانا شاب عادى ولا أملك واسطة صوتى ضعيف
لذلك لا يصل إليهم ولقد أرسلت مئات الخطابات إلى الشركات
ولكن دون جدوىمنذ 15/9/2005 وحتى الآن أرجوكم طمننونى
وفقكم الله وسدد خطاكم وتفضلوا بقبول فائق الاحترام ،،،،
مقدمه لسيادتكم
ابن مصر شاب معاق يتمنى ان لا يعوقه الناس /محمد السيد سعد الدين

هناك 3 تعليقات:

mizohart2010 يقول...
أزال المؤلف هذا التعليق.
mizohart2010 يقول...

يارب حد يسمعنى ويحس بيها ويكون لسه فى ضمير حقيقى يا ساعدنى انى اخد ابسط حقوقى كانسان و مواطن مصرى محمد السيد سعد الدين محمد نصير

ريمان يقول...

السلام عليكم


احزنى كلامك بشده يا رامز

حسبى الله ونعم الوكيل بجد

مين هيسمع يا رامز؟

المتصارعون من اجل السلطه دول اللى بتتكلم عنهم محدش فيهم اصلا بيهتم بالشعب ولا بمشاكل الشعب

دول عندهم داء الكرسى

كل همهم الكرسى وبس يا رامز

لقد اسمعت من ناديت حيا ولكن لا حياه لمن تنادى