10‏/08‏/2009

أطفال الغد المشرق هم أبنائنا نحن مدوني القرن

دى أماني ذات 11 سنة بالصف الخامس الأبتدائي
أبنةالمدونة الرائعة والقلب البورسعيدى الكبير أوى أوى ماما أمولة
وأسألوا مدوني بورسعيد طبعاً أتاخرت كتير في تنزيل هذة الكلمات القادمات
لا لشيء رغم أني كاتبهم من شهور ولكن أخذتني الحياة مأخذ لا أحبه ولا أستشرفه
ولكنني رضخت عندما وجدت نفسي وحيدا بلا دعم ولا توجيه
فكيف للغريق في المحيط أن ينجو بلا عوامة وأو لوحاً يطفوا من حوله
فيسرع ليمتطيه دعونا مني فأنا لا أريد أن أتذكر ذلك

دعونا نفرح بهؤلاء الأطفال اللطفاء في عصر يجانبه اللطافة
والظرافة والحب ياه ه ه ه علي كلمة حب دى عمرها أبداً ما أختفت من حياتنا

بس اللي أعرفه وأفهمه هو أن قلوبنا
أتقفلت شوية
أماني أليكي كلماتي وأحسدك علي أمومة ماما أمولة صاحبة
(الزمن الجميل- نسائم الروح)
فكلماتي ليست شعراً وليست نثراً ولكنها قد تكون خواطراً

يا بنت بورسعيد يا طفلة صغيرة
والعقل كبير عنيد بالطيبة مأثرة
يا بنت بورسعيد يا طفله صغيرة
طفلة عايشة البراءة بالعلم منورة
في زمن بقا الشطار فالحين في المسخرة
في زمن خلو التعليم ببلدنا علشان الفشخرة
وزراءنا الكدابين لصوص المندرة
يا بنت بورسعيد ياطفلة صغيرة
أنتي وغيرك أملنا في بلد جديد نظيف
مستقبل جيل جديد ميعرفش المنظرة
يا بنت بورسعيد يا طفلة صغيرة
ساعة الأذان بتجري تسجد وتقول يارب
بتساعد ماما دايما دى البنت سكرة
يا بنت بورسعيد يا طفلة صغيرة
دعواتي ليكي صادقة وتحايا معطرة

2009/4/16- 10 ونص بالليل


عقبال منكتب ليوسف أبن فاتيما وأيضا لأولاد د/ ستية الحمش
ولأولاد كيكي وميمايا وإيمي وكل الناس اللي عندها أولاد أو لسه
في مراحل الإرتباط أو ما قبل الإرتباط أو ما قبل قبل الإرتباط

بعد كدة الكلمات سواء قصيدة أو نثر أو خواطر
الواحدة بربع جنية اللي مش هيدفع مش هيشوف حرف
أمال أيه عاوزين نأكل عيش أمال وعيش فينو كمان

ملحوظة للناس اللي راحة عند مصطفي حسان في حفل توقيعه
ياريت يعني يعني يعني تقولولي هو هيبدأ كام بالظبط وهيخلص كام بالظبط
لأني مرتبط بإجتماع حقوقي جدا جدا بصفتي طالب كوحيتي
بكلية حقوق القاهرة حلوة حقوق القاهرة دى أخر فشخرة

هناك 10 تعليقات:

adel يقول...

يا جامد :):)
لا بجد كلمها حلوة و عاجبني تاثرك بالاحداث و الكتابة عنها :)

حفلة مصطفي الساعة 7 ان شاء الله
مكتبة البلد بجوار سيلنترو و الجامعة الامريكانية في التحرير

أمل حمدي يقول...

والله يارامز ماحد سكرة الا انت

ربنا يخليك يارب وينجحك ويوفقك في حياتك اللهم امين

شكرا يارامز على كلماتك وياريت أكون عند حسن ظنك

كل سنة وانت طيب بمناسبة الشهر الكريم

شكرا شكرا شكرا

غير معرف يقول...

حلو جدا

طالب في حقوق القاهرة

تعالى اذاكر لك

بجد واللة

بالنسبة للشعر بئا
ليا وجهة نظر

حالة خاصة علشان تتذوقة لازم تكون في نفس الحالة

فاهمني

طبعا لأ

طب تعالى اذاكر لك

mohamed ghalia يقول...

ربنا يكرمك يا رامز
جميل فكرة انك تكتب عن أبنائ المدونين
ربنا يكرمك ويسعدك دايمااااااااااااااااااااااااااااااا

ستيتة يقول...

شوف مش انا شفتك مرة واحدة بس والله عرفت ان انت انسان قلبك كبير جدا
ومش مصدقة انك بسهولة تخسر الناس لأنك فعلا قلب وعقل
شكرا ع الصورة
مش زي خالد "بغيظه اهو" اللي مبعتش صور
ربنا يبارك لماما أمولة في بنوتتها ويكرمنا كلنا في ذريتنا ويرزقكم يا شباب كلكم بالزوجة الصالحة والذرية الطيبة البارة

تحياتي

mimi يقول...

رامز...

أنت بجد بجد سكرة


كفاية ضحكتك ،، أيوة بعاكسك طبعا ...


هههههههههههه ربنا يخليك لينا يارامز

علي فكرة أنا بدرس في كلية إعلام معاك

هبقي أحاول أشوفك هنلك إن شاء الله

وعقبال ما كلنا نكتب بوست عن أحب الناس ليك يارب

يارب يا رامز تكون مبسوط دايما ،، بضحكة مش تفارقك أبدا

أمين

mimi يقول...

أنا موصلنيش ولا صورة خالص علي الايميل بتاعي يا رامز...

عاااااااااااااااااااا

mimi يقول...

أولا ...

اللينك الأولاني ...

http://mimaya-mimi.blogspot.com/2009/06/blog-post_26.html


اللينك التاني ....

http://mimaya-mimi.blogspot.com/2009/07/blog-post.html

mimi يقول...

اللينك التالت ...

http://mimaya-mimi.blogspot.com/2009/07/blog-post_13.html

اللينك الرابع ...

http://mimaya-mimi.blogspot.com/2009/07/blog-post_25.html

وأي أسئلة تانية أنا تحت أمرك

د. ياسر عمر عبد الفتاح يقول...

تسلم إيدك يا رامز
كل كتاباتك جميلة
والأجمل روحك