20‏/09‏/2009

ولاد بلدنا الطيبين

ولاد بلدنا الطيبين بقلم/ رامز عباس ،،،
19سبتمبر 2009



يا محققين نجاحاتكم ياناس يا طيبين ،،،
يا بخت مصر بيكم ياناس يا طيبين،،،
خلوا السعادة تبان ف وجوهكم وعالجبين،،،
ساعتها مصر بلدى تقول يارب يخليهملي،،،
وأحنا نردد وراها اللهم أمين،،،
اللهم أمين،،،
اللهم أمين،،،
اللهم أمين،،،
يا حبايبي يا حلوين ،،،
يا ناجحين في المهن،،،
يا واخدين الحياة بصدر مليان حنين ،،،
بكرة الزمن اللي جاي،،،
رافع صوت المقاومة صارخ كلمة نضال،،،
ونكون رمز المقاومة زى الشيخ ياسين،،،
يا محققين نجاحاتكم ياناس يا طيبين ،،،
يا بخت مصر بيكم ياناس يا طيبين،،،
الفرحة والبشارة بتحقق النجاح،،،
وبسمة في الوجوة تبقي مليون سلاح،،،
أعداء مصر ساعتها هيخافوا مننا،،،
لأن العزم واحد في مسيرة الكفاح،،،،
يا محققين نجاحاتكم ياناس يا طيبين ،،،
يا بخت مصر بيكم ياناس يا طيبين،،،
يا ناجحين في الحياة وقلوبكم طيبه،،،
وميعرفش قاموسكم ولا حرف من الفشل،،،
ومتعرفشي حياتكم معني كلمة كسل،،،
علشان نياتكم صادقة ياناس يا طيبين،،،
يا محققين نجاحاتكم ياناس يا طيبين ،،،
يا بخت مصر بيكم يا ناس يا طيبين،،،
دى بلدنا فخر بيكم وتعادى اللي يعاديكم،،،
دى بلدنا أرض حلوة ونيلها اللي راويكم،،،
وترابها يا ما شال دم جندى القنال،،،
بعد حروب الكرامة لطرد الأحتلال،،،
يا محققين نجاحاتكم ياناس يا طيبين ،،،
يا بخت مصر بيكم ياناس يا طيبين،،،
يا بناة السد ياللي فيكم قوة الأحتمال،،،
يا ليوث في الحق تنهش لصوص الرأسمال،،،
خلوا بلدنا سعيدة بالشغل مش بالجدال،،،
والفقراء يبقوا طبقة عايشة ليها كرامة بلال**،،،



ملحوظة ** لماذا ورد أسم الصحابي الجليل ومؤذن رسول الله
(صلي الله عليه وسلم) لأنه يعد من أبرز الصحابة الفقراء
الذين كافح لهم نبي الرحمة وعاتب من عايره بلون بشرته
وقال ،نبي الرحمة لصحابي ذو شأن عندما أهان بلال أنك أمرؤ فيك جاهلية
فجري الصحابي ووضع جبينه وخديه في التراب ليدوسهم بلالاً
فما كان من بلال الا وقبل جبين ذلك الصحابي المؤمن مثله



هناك 5 تعليقات:

غير معرف يقول...

ازيك رامز
انا جاية اعيد عليك
واقولك عيد مبارك
وتقبل الله منك صالح الاعمال
وكل عام وانت بالف خير
تحياتى

غير معرف يقول...

ايه ده اول تعليق
كويس كويس علشان تصلك
منى اول تهنئة

ماجدة الصاوي يقول...

ياسلام يارامز ايه المواهب دي وشعر عامية
جميل جدا ورائع بس يعني خلاص كل المصريين من الشباب الاغلب قوي بيكتب شعر عامية
بس القصص الساخر اللي كنت بتكتبه باللغة العربية الفصحى اجكل كثير واروع ةابدع
كن مميز ولا تساير ماهو دارج يارامز

ودي العميق لك

ستيتة يقول...

يا سلام يا رامز
تسلم ايدك
وربنا ما يحرمك من نعمة الأمل في مصر وولادها
كل سنة وانت طيب
اوعى تفتكر اني نسيت الإيميل
انا بس عاوزة الناس فايقة لي كده بعد العيد
علشان عاوزة ايجابية مش مجرد كلمتين وبس مع الإعتذار لعمو فؤاد الله يرحمه :)
تحياتي وخالص دعواتي

أمل حمدي يقول...

كل سنة وانت طيب يا رامز

انا سعيدة جدا بنجاحك

ربنا يوفقك يارب