21‏/09‏/2009

فضيحة مصرية في اليونسكو



وكالات الأنباء . المدونات. جمعيات الأخاء .
وكالة الخيال الجامح .
لمديرها: رامز عباس
في تطور مفأجيء إجتمع مندوبي وسائل الأعلام التي تغطي جلسات المرشحين
لمنصب اليونسكو للتشاور في الإنسحاب المفأجيء
للأنسة بنيتا فيريرو المرشحة النمساوية ...
في البداية أعتدل المراسل أنطوان كاميرو من دوله ألمانيا
والصحفي في جريدة شلح الألمانية

وقال : الافضل بدلاً من نقاش لا يتأتي بنتيجة ان نتصل بالأنسة بنيتا
ونعملها مؤتمر صحفي فصقف الجميع وقالواً هايل هتلر


قــــــــاعة المـــؤتمر

إحتشاد وإزدحام غير عادى لمراسلي ومندوبي وسائل الأعلام
بنيتا. تصبب عرقاً
(هي الأمم المتحدة مش لاقية حد يتبرعلها بجهاز تكييف ولا أيه)

وفي ظل التحرش والتلاصق بين الصحفيين جاء سؤال الصحفي عبده قلم
من تونس والذى يعمل بقناة وريني عرض كتافك
فسأل بنيتا : لماذا تنسحبين لاقتيلك عريس ولا أيه؟؟؟
فردت بنيتا:وقالت بلهجة مزاح يا ريت يا خويا يسمع من بوقك ربنا
فقاطعها الصحفي السعودى سمير أبو لحية
وقال:لها الله سميع بصير وهو يسمعنا طول الوقت خدى بالك
فنظرت لهذا المتطرف بغضب لعدة لحظات حتي قاطعتها
مذيعة تلفزيون عاوزين الحقيقة ياريس
وهي من دولة لا تعرف منذ 28 سنة سوى ريس واحد وناوى يمسك أبنه
(في المشمش طبعا .... نرجع لموضوعنا)
قالت لها المذيعة سنية إرسال أنسة بنيتا
بنيتا :نعم
سنية: هل إنسحابك يأتي تأثراُ بجاذبية ووسامة المرشح المصري
المنكوش فاروق أفندى حرايق
بنيتا وقد أحمرت خجلا: والله بصراحة
فقاطعتها سنية وقالت بتقولي والله كمان أنتي مسلمة ولا أيه
بنيتا: لا ياختي كفي الله الشر
كاثوليكية علي سن ورمح
بس بحاول امد جذور التواصل مع العالم الاسلامي
بالنسبة لسؤالك: أي نعم أنا عانس !!!
وماليش غير أربع أصدقاء رامية نفسي علي كل واحد شوية
لدرجة أني قعدت سنه في شقة صديق
لحد ما المدام بتاعته أتضايقت اني حطيت من الميك أب بتاعها فطردتني
فقاطعتها سنية إرسال بإندهاش: يعني طردتك علشان الميك أب
مش علشان خاطفه جوزها و(نـــــ) معاه
بنيتا : لا طبعا هو أحنا متخلفين زيكم
أحنا ناس متحضرة يعني جوزيتا مرات فريكس صديقي
مستنتش لحد 26 من أول شهر حليت عليهم
وجبت صديقها جوزيف في الشقة وقالت لفريكس بدل مروحله كل شويه
سنية : كملي
بنيتا: أما بالنسبة لروقة حبيبي اللي أتعرفت بيه في فندق الأمم
فده أخلاق قوى وبرستيج جدا تصوري أتقابلت
معاه في مطعم فخم وأكتشفت ان نسيت البوك في الفندق
فقام بدفع الفاتورة 50 الف يورو
تاني يوم بقوله خد الفلوس أهه وميرسي أوى يا روقة
قالي والله العظيم اللي حجتله سنة 1960 منا واخدهم
خلي عندك يا شيخة ده النبي قبل الهدية
فعرفت عالطول أنه أنسان أوى وكريم وأبن ناس

وفي يوم تاني
قام دافع تذكرة لصالة عرض لوحات فنية
فسألته بإندهاش بتجيب الفلوس دى منين يا روقة
فاروق: والله الخير كتيروأنا كنت بحوش من مرتبي عمري مفكرت اتفسح
أوأعيش الحياة كما هي طول عمري مخلص لبلادى مصر
فا من يومها عرفت أد أية روقة أنسان .
فأنا لو أعجبت بيه فده لفلوسه مش لشخصيته وبس
خاصه أنه قابلني أمبارح في الشوربن وشربنا كأسين وقالي: بنيتا
قالته: نعم ياروقه
قالي: أنا شايفك بنت ناس وعلي وش جواز ومعكيش فلوس تجهزى نفسك
فبدل اللطعة والصرمحة في بيوت أصدقاءك من أهل النمسا
أنا هديلك 8 مليون يورو وسيبك من اليونسكو دى شغلانه متأكلش عيش حاف

فإستغربت كلامه وقولتله طب وأنت ليه مهتم وعاوز تدفع فلوس
فقالي: وهو بيترنح من البراندن أحنا في مصر الحزب الحاكم يهمه مصر
تبقي في الوش ومستعدين لأخر شلن في البلد نشتري المنصب ده
أحنا مخلصين أوى لبلدنا
فمتملكتش نفسي وقعدت أصقف لروقة رجل المباديء والوطنية
وخدت الشيك وإنسحبت منذ ساعة من الترشيح

هنا سألها مذيع قناة ( إن إن معترفتش)
والنمسا بلادى هيكون موقفها أيه من أنانيتك
فردت: بنيتا قطيعة تقطع النمسا والأتحاد الأوروبي يا خويا مبلاها
أنا واحدة عندى 57 وعاوزة اتجوز سبوني في حالي بقا خدنا أيه من البلد
أنتهي عن أذنكم

فتدافع الصحفيون خلفها حتي صعدت في الأسانسير
وشاهدوا فاروق في الناحية الأخري أمام مكتب الإستقبال
يتحدث لزكريا عزمي ويقول
أيوة زى مبقولك كدة قول للريس كله تمام النمسا والمجر وبلغاريا إنسحبوا
وبالنسبة لإنجلترعملت معانا جميل لضيافتها من أيام أحمد عرابي
لحد ماجمال عبد الناصر مشاهم ومردوش يأخدوا المعلوم
وقوله يبعت 8 مليار تاني علشان ننتهي بقا

فإقتربوا منه وسأله أحدهم: بقا بتدفع رشاوى يا روقة
فجري روقة وسط الدايرة التي حاصرته حتي ركب الأسانسير
دون الإدلاء بتصريحات حول موقفة وحتي الأن تليفوناته في الأمم
ومكتبة بالوزارة في القاهرة مغلق ومقموص مستني حد يردله الإعتبار
بعد إنكشاف الأمر بلسان الأنسة بنيتا فيريرو النمساوية

وإلي هنا تنتهي نشرة الفبركة التدوينة ...
كان معاكم رامز عباس مدونة رامز عباس من مصر بجوار مبني لاظوغلي

هناك 9 تعليقات:

أحمـــــــــــــد أبو العلا يقول...

هههههههههه
طب اوعى حد يكون باصص عليك من شباط لاظوغلي لوا حاجه

بقى هيا الحكايه كده
روقه؟ اخص على روقه

شكله هيبقى عثل جنب سنيه

كل سنه وانت طيب

فاتيما يقول...

بجوار المبنى ؟
متاكد من المعلومة دى ؟!!!
يا بنى ركز شوية عشان نقدر نساعدك
يعنى عاوز الحلاوة بالشكولاتة و لاّ البندق ؟

mizohart2010 يقول...

هههههههههههههه
ربنا يسترها معاك يا صحبى
بس متخفش ادينى رنه بس و حتلاقينتى ورك بالعيش و الحلاوه

mimi يقول...

رمووووز

جاتلي إخبارية إنهم كلهم هينسحبوا من عضوية المدير العام

ماتاخدني معاك مراسلة من كبد الشارع ؟

أم مالك يقول...

رامز
انا بصراحة لاافقه كثير
فى موضوع اليونسكو
لكن اللى اعرفه كويس
انى بدعى ان المحروس بتاعنا لايناله
علشان مايفرحش ابدا
وعلى فكرة انا رديت على تعليقك
عندى ابقى ادخل اقرا

ميمي وأحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

فشكووول يقول...

ازيك يا رامز

كل سنه وانت طيب

يا ريته نجح يا روقه بعد البعزقه دى والفلوس دى كلها ... جاته وكسه

حسام عامر يقول...

الأخ الكريم رامز عباس تشرفت جداً بزيارتك لمدونتي وأعجبتني مدونتك جداً وإسلوبك ساخر وممتع وتنمنياتي لك بالتوفيق
رداً على سؤالك لي في المدونة عن حقيقة شذوذ الواد جمال ابن العمدة فأحب أقولك إن دي حاجة معروفة ومشهورة ومتخيلتش مدون وناشط مخضرم زيك يكون ميعرفش الحقيقة دي

غير معرف يقول...

هذا نص نشر مدونتك للمرة الثانية عبر الفيس بوك انا مبمنش عليك ولا حاجة انا برفع معنويات كصديق محتمل ياريت نتواصل
............
رامز انا بجد يشرفني انك تبقا صديقي مش محتمل لأ أكيد طبعا يا مان
.........
انا مفهمتش معنى كلامك هذا نص نشر مدونتك ممكن تفهمني تقصد ايه
حسام عامر