26‏/11‏/2009

أنا والأمل عاشقان

بقلم رامز عباس
في 17نوفمبر 2009

راح أدى لنفسى فرصة
عشان مؤمن ببكرة
راح أدى لنفسى فرصة
وبكرة تروق وتحلى
راح أدى لنفسى فرصة
لحلم أساسه فكرة
لحلم الحب حاصره
بقلب عاشق لذكرى
والذكريات بتكبر
في حياتنا كل فترة
ومهما طال عمرنا ،،،،حيفضل قلبنا
مستنى يجي بكرة
حامل معاه لذكرى
وفكرة ،،،أو حتى فرصة
كله يهون ساعتها
كله عشان سعادتى
وسعادتى راح تبقي ذكرى
والذكرى شيء جميل
زى شمس الأصيل
والحب كان دليل
مستنى بس فرصة
وبكرة تروق وتحلى
وسلام سلام كبير
من قلبي للحبيب
وبكرة راح أفكره أني له قريب
يمكن ينسى حبيبى
يمكن يسرح ويفرح
راح أدي لنفسى فرصة
راح أستنى منه نظرة
تندهلى تقول تعالى
يا حبيبى أنت أملى
بعد الله تعالى
ح أستنى يجى بكرة
راح أدى لنفسى فرصة
عشان قلبي بيعشق
كل جميل بفكرة
ح أستنى بس فرصة
وأحلم أعيش سعادتى
وسعادتى في يوم جميل
راح تتحول لذكرى

هناك تعليقان (2):

المعتصم يقول...

السلام عليكم
ازيك يارامز
يارب تكون بخير
من غير امل ماينفعش اننا نعيش اصلا
كل سنه وانت طيب وبكل خير وسعاده
وعيد سعيد عليك يارب وعلى كل حبايبك

د. ياسر عمر عبد الفتاح يقول...

كل سنة ونت طيب يا رامز بيه
كل سنة والأمة الإسلامية كلها بخير
تقبل الله منا ومنكم صالح الأعمال

وبعودة الأيااااااااام