08‏/02‏/2010

عيـــــــــــــــــــد ميـــــــــــــــــــلاد سعــيد يا رامز--- أهداء من رامز لرامز


النهاردة عيد ميلادى25، خامسة وعشرين سنة في الدنيا
دى ما بين أحلام وأمال
أفراح وأحزان أوقات بتعدى تندهلي تقولي أنت رجل الموقف
وأوقات تانية تقولي أفسح المجال لأقرانك ولمن هم أفضل منك
(نظرياً هناك أفضل مني فلنقدرهم ولنعطيهم حقوقهم)
خامسة وعشرين سنه في ولاية حكم المستبد الذى طهق الشعب
( دا مش المفروض يهدىء شوية ده عيد ميلادى يا عالم)
خامسة وعشرين سنه عرفت فيهم ناس كتير
وناس دخلت قلبي وناس خرجت معاش مبكر
خامسة وعشرين سنة حبيت فيهم عشر بنات
( بنات أفكاري محدش يروح بفكره لبعيد)
خامسة وعشرين سنة حققت نجاحات كتير أوى وتعرضت لأخفاقات أكثر
خامسة وعشرين سنة( إنضربت فيهم كوسوفو والشيشان وأفغاستان
وفلسطين مضروبة علي طول وتم إحتلال العراق قال إيه علشان
صدام مستبد طب والمعلم بتاعنا يتصنف إيه ده مجبليش تورته مرة واحدة في حياته)
مش عارف أنا مرتبك ومش عارف أقول أيه ولا إيه فيه كتير وفيه قليل
ومش أنا اللي هتكلم عن نفسي فيه أصدقاء وأحباء وهم أدري بي من خلال
تواصلنا
والعيش والملح والكيبورد

كلمتين شعر
مني لنفســـــــــــي( بنرفع مستوى الأنتماء)
يا رامز يا أبن مصر اللي قالوا ولادة
وترابها غالي وفيها مساجد للعبادة
وكمان كنائس لجاري متي وجارتي غادة
بتمنالك في يوم ميلادك كل السعادة
يارامز يا أبن مصر يا راضع من النيل
وتعلمت وسط الناس أزاى تبقي أصيل
وتعيش علي خير الأرض
وتبوس التربة العطشانة لحب الناس
الناس الجدعة التي تغير علشان مصر
بتمنالك في يوم ميلادك تفخر بمصر
وأهل مصر اللي شعارهم هو النصر

هناك 4 تعليقات:

ستيته حسب الله الحمش يقول...

كل سنة وانت طيب يا أبو الأرماز
يارب السنة دي تهل عليك كده ببشرى تخبطك وتنبسط بيها
يارب ربنا يبشرك فيها بكل شيء نفسك فيه
او حتى بداية ما تحب يارب
كل سنة وانت طيب يا جدع
وحلو الشعر بتاعك لنفسك
حقوق الإنسان بتقول لك جملة كنا حافظينها من ممثل زمان مش فاكرة اسمه ايه
كان بيقول
كله يدلع نفسه :)

أمل حمدي يقول...

كل سنة وأنت طيب يا رموووز

وعقبال 150 سنة

ليه مش بتسأل على ماما أمولة

ربنا يحققلك كل ماتتمنى

سلام يا رموز

الشعب لابد له من حكومه تشكمه يقول...

كللللللللل سنه وانت طيب يارامز وعقبال مليوووووووووون سنه,
مش عارفه بعد المليون هيباه شكلك ايه الصراحه:)

ربنا يجعلها سنه سعيده عليك ان شاء الله

adel يقول...

:):)
كل سنة و انت طيب يا رامز
ومبقتش عارف اضحك و لا اخودها جد :):)

رامز رمز النضال الجديد :):)

بس ايه ده طلعت اكبر مني يا رامز بسنة و شهر تقريبا كده :):)