02‏/05‏/2009

أت ..أت ..أت أتشوووووووووووووووووووووووو

دى صورة فرخة بعد حملة (الضرائب مصلحتك أولاً)
هل إتضحت لكم المؤامرة الأن
خنزير أيام مجده بيرضع يا ضني أمه الحليب ده
مش هو اللبن اللي أختفي من الصيدليات أيام أزمة اللبن

كتبها المدون/رامز عباس



2مايو 2009






تتعمد الحكومة المصرية أن تظهر بمظهر سييء للغاية

في إدارتها لإى أزمة ومش مهم تجهيل الشعب أهو شعب بياخد بالجزمة

ده علي حد تعبيرها وفعلها ورد الفعل السلبي للشعب

فرداً علي أزمة الخنازير التي إنطلق وباءها مؤاخراً

وحتي لا نتداخل في حلال وحرام ومشايخ بدقون

إليكم كلمات كتبتها اليوم لعل وعسي يصدح بها
مطربنا الكبير شعبان عبد الرحيم مطرب الحيوانات المشهور والسياسة المقهور



هيه هيه هيه هيه

العالم كله خايف من الأنفلونزا كتير

وبعد مذلوا الفراخ رسموا علي الخنازير

وحكومتنا بكل حب خايفة علينا كتير

وعشان الناس وأمانها بيدبحوا في الخنازير

وناس حاقدين في أوربا قالوا علينا جبنا

علشان رئيسنا مبارك أصدر قرار خطير

بدبح كل خنزير علشان أباظه يفرح

دا وزير زراعة حالي شفنا من فشله كتير



وهيه هيه هيه هيه

يا حضرة البهوات يا اللي انتو اسمكم شعب

استعدوا للمفأجات دا حياتكم هتتحول رعب

حكومتنا بكل حب ناوية علي الحل الصعب

وفشلها في الإزمات أحبط أفراد الشعب



هيه هيه هيه هيه

شعبنا يا حضرات محتاج علم وتثقيف

بطلوا شعوذة وخرافات ومحاضرات التخويف

ده مش هيخش الجنة علشان دقنه خفيف

ودى مسيرها النار دى لابسه الفوشيا يا لطيف



هيه هيه هيه هيه

ورئيسنا بكل فطنة لسه عن حكمه راضي

ومعاه لجنه سياساته بتبيع البلد والأراضي

واللي هيقول علاوة هندعيله ونقول يا هادى
الأمن لسه واخد بتاع ؟؟؟؟ السنة دى

وكل يوم يعذب في ولاد مصر الأعادى !!!!



هيه هيه هيه هيه

متقوليش أنفلونزا ولا جنون بقر

تعبيرك عن رأيك مخاطرة له سجن معتبر

قول حكومتنا حلوة وبلاش شغل الغجر

لأحسن تنام وتصبح وكأنك في المجر

دا حبيب العادلي اللي ماسك متفهم يا بشر



هيه هيه هيه هيه

انفلونزا الطيور أنفلونزا الخنازير

بكرة الجبلي هيعلن عن أنفلونزا الصراصير

وهنعمل حملة إبادة بألالاف القباقيب

وهنغنيلكم أغنية موت موت فـــ الصراصير



هيه هيه هيه هيه

يا وزراء الحكومة يا شلة دكتور نظيف

المشاكل حرارتها ذادت بشكل مخيف

والناس ماشية بتدعي علي وزارة التسويف

اللي راكنه كل المشاكل وقاعدة ف التكييف



هيه هيه هيه هيه

يا وزراء العصر أصحوا من سابع النومة

وبلاش التصريحات دا البق ريحته ثومة

الشعب من غلبه ساكت مستني تيجي فرصه

دا الشعب فاض بكيله وباين هيقومله قومة

هناك تعليقان (2):

mizohart2010 يقول...

ازيك ياغالى
جميل الكلام حلو بس اتمنى المره الجايده يكون احسن و تصلح من الغلطات
و تكون احسن من احمد فؤاد نجم

ريمان يقول...

هههههههههههههههه



ههههههههههههههههههههه


طب اتشووووووووووووو


خليتنى اعطس يا رامز

ينفع كده؟

ههههههههههه

تسلم اديك والله